VOV4.K’ho- Tàm 3 ngai bơh ngai 17 tus ngai 19/6, mờ nùs nhơm geh kơnòl, niam, mờ geh cồng nha, Pơrjum dờng cau ala mat Đảng bộ kơnhoàl Krông Pách, dơ\ 14, tơngai lơh broă bơh nam 2020 -2025 neh lơh geh cồng nha niam ngan. Do là Đảng bộ kấp kơnhoàl sơn rờp càr Dak Lak dê bơyai lơh pơrjum dờng, geh Ban thường vụ Tỉnh uỷ Dak Lak sac rơ wah là mpồl pơrjum dờng lơh tơr lòng lài ai jơnau bơsram mờng chài. Mờ jơnau đơs: Tam klăc- Làng bol lơh tờm- lơh jat kơrnoat- bơceh pa- Bơtàu tơnguh, Pơrjum dờng dơ\ 14 Đảng bộ kơnhoàl Krông Pách neh đal g^t loh làng bơta pràn, pơlam gùng dà bơtàu tơnguh lơh sa- mpồl bơtìan tàm tơngai lơh broă bơh nam 2020 - 2025 mờ 3 kơnòl broă tờm kuơ màng geh bơta bơtàu tơnguh uă.

Pơrjum dờng neh pồ Ban chấp hành Đảng bộ kơnhoàl Krông Pách tàm hơ\ geh 41 nă. Geh pồ wơl tai at gơnoar broă Bí thư Huyện ủy Krông Pách, ồng Trần Hồng Tiến pà g^t, nàng lơh jat ală jơnau kờ`, kơnòl broă neh geh ai, Đảng bộ đal g^t là kuơ màng ngan rlau jơh kung gam là bơta pràn đơng lam, sồr lam bơh mpồl kuang bàng, đảng viên. Broă ai mpồl lơh broă nàng rcang pơrjum dờng neh geh sền sơ wì nền nòn ngan.

Cau mblàng K’ Hạnh