VOV4.K’ho- Uă dơ\ se\ còp mờ geh iat yal ală jơnau yal niam ngan bơh [òn lơgar lài do là tiah pôs đồng kăc màng tàm 2 rài tam lơh hơ\ sồng sền go\ geh bơta dùl nùs bal, nùs nhơm tam klac bal bơh làng bol [òn Ktu dê tàm xã Kon Chiêng, kơnhoàl Mang Yang, càr Gia Lai. Hơ\ ngan là bơnàng jă nàng Ktu ngai sơlơ tam gơl pa mờ bơtàu tơnguh.

Dùl nùs bal crơng gơs kes priă [òn

{òn Ktu gơ ơm jòng jat gùng càr 666 gam geh bơcri priă lơh niam wơl. Ală hìu rơng geh lơh dờng ơnàng tềng hơđơm m[ur chi tơlir mrềt niam ngan lơh gơs rùp să lơngăp lơngai bơh jo\ bơh dùl [òn lơgar kòn cau Bahnar bơh yau dê. Ơm bồ [òn tơn là ală hìu lơh mờ mpàn neh klar dăp ală rạp ai apah, đah kềng bal là đam kòi tu\ lơi kung bềng lơm, rcăng dong kờl phe sa tàm nhai jơgloh ai làng bol tàm [òn in.

Lùp den hơ\ sồng gi\t là cau [òn Ktu geh ală broă lơh tă pơgồp priă bal niam ngan. Ồng Đinh Byar cau atbồ thôn pà gi\t: Bơh nam 2000, bol a` sơnđờm crơng gơs kes priă bal nàng drơng broă [òn dê. Bơh rlau 1 lồ ù bal, làng bol tàm ala gơ\p tam kòi, bời lời, bùm blàng nàng lơh geh priă. Hời rơhời, priă tềm pềr geh uă, tơl nă cau kơlôi tai broă nàng gàr kơ\ kơl jăp jo\ jòng.

Bi Byar yal, nam 2010 bơh priă bơcri bơh broă lơh 135 dê, [òn Ktu geh pà 1 nơm măy kăc kòi. {òn crơng gơs dùl mpồl cau sùm lòt kăc kòi ai làng bol tàm [òn in. Khà ngai lơh broă gơl wơl mờ kòi, tam pà gơs 3 bơnah: dùl bơnah ai ală cau lòt lơh in, dùl bơnah ai priă tă măy mok in, bơnah gam wơl geh pơgồp bal tàm đam kòi bal [òn dê. Kơnờm bè hơ\ mờ đam kòi do tu\ lơi kung bềng lơm, kờp du\ pơgăp 3 tấn. Kòi do nàng dong ală hìu bơnhă kal ke tàm nhai puh pah, mờ drơng broă bal [òn dê.

Tu\ bol a` tus, 2 nă ồng là ồng Mli mờ Myơl là 2 hìu bơnhă r[ah tàm [òn gam jồm [òn tơl nă dùl sơ\ kòi. Ồng Mli đơs: kung bơtuah đau sơl geh đam kòi [òn dê mờ a` ờ gơtìp jơgloh. Tus kàl tơnơ\ tơnhàu geh kòi den a` cèng lòt tơm wơl [òn in gơ dê.

Ală kes priă bơh [òn Ktu dê kờp bal pah nam lơh geh pơgăp 50 tơlak priă. Làng bol ring bal blơi 13 dra dơm rạp nàng drơng ală dơ\ pơrjum bơyai broă, mơkung nàng ngui drơng broă ala. Mpồl ơruh pơnu thôn geh kes priă tă priă pà blơi 1 bộ tô ri ntrờ` làm bă tiah drơng broă lơh bal. Cau tàm [òn ring bal crơng gơs dùl mpồl atbồ mờ lơh kơnòl broă crăp lơh dơm rạp, pah nam geh bơh 8 tus 10 dơ\ cau apah dơm rạp, bơtơl kes priă pơgăp 2 tơlak.

Bi Byar yal: Bơh ală bơnah broă bè tam phan, kăc kòi, ai apah dơm rạp, lơh geh kes priă bal bơh [òn dê sùm geh uă, geh tơl nàng rcăng broă bal, còp rwàng tàm tu\ gơtìp kòp tê jê să, lơbơn lơ`ô, dong kờl di tu\ làng bol tàm [òn in tàm ală tu\ kờ` halà broă gơ jal. Ờ mìng bè hơ\ lơm, bơh ală broă lơh bal hơ\, làng bol tam klac rlau tai, broă hòi jà, lam sồr lơh ală srơh kung gơ [ươn rlau.

                                        Ồng Yek là kra [òn kềng đam kòi bal bơh [òn Ktu dê

Bal mờ gơ\p bơtàu tơnguh

{òn Ktu tu\ do geh rlau 90 hìu bơnhă bal mờ pơgăp 500 nă cau. Bơta lơh ngan tam klac bal làng bol tàm [òn lơgar là bơta dong [òn kòn cau Bahnar do sền gàr geh gơlơh bè gam wơl bè ờs bơh yau ală bơta mùl go\ gơ dê. Ồng Yek là kra [òn, lài do là Bí thư Đảng ủy xã Kon Chiêng, yal: Bơh ală nam 1999, tơnơ\ tu\ hòi jà làng bol ơm kis lơh sa kơ\ dùl bă tiah jat gah gùng, a` neh jàu làng bol gàr wơl ù nàng tam phan, tơnơ\ do pơn jat tai lời wơl ai oh kòn kòn sau in, ờ go\ di tăc bro mờ cau ndai. Kơnờm bè hơ\ mờ tus tu\ do, bă ù pà ală hìu bơnhă in ndrờm bè gam wơl bè ờs.

Ồng Đinh Byar là cau atbồ thôn kung yal: Làng bol cau lơi kung ndrờm gi\t lơm bơta kuơmàng bơh ù tiah dê, ờ go\ cau lơi kờ` tăc te\ phan ròng gàr rài kis bơh hìu bơnhă he dê ờ. Bơh phan ngui lơh sa uă ngan hơ\, bulah khà hìu r[ah kung gam sơl mơya ndrờm bè ờ gam rài kis jơgloh sa tàm ală hìu bơnhă tàm [òn Ktu dê.

Tu\ do, [òn Ktu neh geh ală anih hìu bơsram mầm non, kấp dùl lơh geh jơnau kờ` bơsram sră bơh oh kòn làng bol tàm [òn dê. {òn geh hìu rông nàng làng bol in lơh anih pơrjum, cribơyai broă bal. Jơh 100% hìu làng bol geh dà sàng kloh nàng ngui sa.

Ồng Đinh Nguy, Chủ tịch UBND xã Kon Chiêng, pà gi\t: Ală nam rềp ndo, làng bol [òn Ktu neh tơrgùm tam gơl chi tam mờ đòm jat bơta jak chài măy mok pa rài do dê tàm broă lơh sa, ngan là tàm tờm kơphê, bời lời, khuah rbài ală bơta. Kơnờm bè hơ\ mờ priă lơh geh, rài kis làng bol dê geh sơlơ tơnguh tai. Ktu là [òn geh bơhiàn kăc màng, sền gàr geh uă bơhiàn niam chài krơi is bơh yau kòn cau he dê. Mpồl cau kra [òn sùm lòt bal mờ cau atbồ thôn, ală anih lơh broă chính trị bơh xã dê mờ mpồl cau pơgồp bal gàr niam bơta lơngăp rơndăp tăp sèng, atbồ sền gàr [òn lơgar, sơlơ tơnguh tai bơta tam klac bal tàm làng bol [òn lơgar. Ală bơta tam gơl niam ngan pa yal do là cơng tàng là bơnàng jă nàng rwah bơ\t bơtàu [òn Ktu gơ gơs là [òn [òn lơgar pa tàm tơngai tus.

Cau mblàng Lơ Mu K’Yến