VOV4.k’ho - Ồng Hiroshi Fukada, kuang ala măt lơgar Nhờk tàm lơgar Việt Nam pa lòt sền brê dà lơgar Bidoup-Núi Bà mờ ală suơn tam phan dờng ngui broă lơh sa pa tàm càr Lâm Đồng. Tus tàm brê dà lơgar Bidoup-Núi Bà, kơnhoàl Lạc Dương, ồng Hiroshi Fukada bal mờ mpồl kuang bàng neh tus còp ală broă lơh tơlòng kờ` dong kờl broă lơh mpồl bơtiàn geh anih lơh broă bal dunia lơgar Nhờk (JICA) dong kờl. Tàm ntum Dà Sar, kơnhoàl Lạc Dương, ồng Hiroshi Fukada bal mờ kuang bàng neh tus còp suơn tam phan dờng ngui broă lơh sa pa Langbiang Farm-do là suơn tam dâu tây tàm dra geh ơn hờ đang, sền gàr tàm hìu jàl phan lơh broă sa pa châu Âu dê, phan tơnhào geh khà GlobalGAP. Tàm kơnhoàl Đức Trọng, ồng neh tus còp suơn tam phan dờng Phong Thuý gam tam 45 lồ ală bơta biăp mờ phan lơh broă sa pa, di gơlan kờp jơh khà tơnhào geh tàm nam do 150 tơmàn priă; còp tiah ai khà ù lơh sa suơn sre mờ măy mo\k Tân Phú ơnàng 35 lồ rềp tềng [làng rơndeh par, gùng ù gờl [uơn lòt ai ală anih lơh sa kă bro lơgar bơdìh đơs bal, ală anih lơh sa kă bro lơgar Nhờk đơs is bơcri priă tơnguh bơtàu lơh sa suơn sre mờ phan lơh broă pa niam jo\ jòng.

                                                                     Cau mblàng Ndong Brawl