VOV4.K’ho- Drim ngai 18/8, Kuang àng càr Lâm Đồng neh yu\ rơyùm bơyai lơh dơ\ tìp măt kuang bàng, cau ling di dơ\ tơngkah kir sơnrai 75 nam Ngai bơhiàn Kuang àng Làng bol (19/8). Tàm jơnau cih đơs kah wơl bơhiàn 75 nam Ngai bơhiàn Kuang àng Làng bol, Kuang ătbồ Kuang àng càr Lâm Đồng dê đơs sùm tus ală cồng nha lơh geh, bơhiàn pơnrơ ngan bơh mpồl Kuang àng Làng bol Việt Nam dê đơs bal mờ Kuang àng càr Lâm Đồng dê đơs is.

Đơs tàm dơ\ tìp măt, Kuang đơng lam bồ càr Lâm Đồng sồr: Tàm tơngai tus, mpồl Kuang àng Làng bol càr Lâm Đồng pal pơn jăt tai tơnguh uă broă lơh bơ\t bơtàu mờ lam lơh srơh jơh gùt làng bol sền gàr lơngăp lơngai dà lơgar. Kuang bàng đơng lam bồ càr tơngkah mpồl kuang àng càr Lâm Đồng pal sơlơ tơnguh tai broă lơh sền gàr lơngăp lơngai chính trị tàm dơlam is, lơngăp lơngai lơh sa, niam chài bồ tơngoh, gàr niam lơngăp lơngai rơndăp tăp sèng drơng Pơrjum dờng Đảng ală kấp, wèt tus Pơrjum dờng cau ala măt gùt lơgar dơ\ 13 bơh Đảng dê.

Dơ\ tìp măt 

Tàm Gia Lai, Kuang àng càr bơyai lơh dơ\ tơngkah kir sơn rai 75 nam Ngai bơhìan mpồl Kuang àng làng bol (19/8); 15 nam Ngai chờ làng bol sền gàr bơta lơngap lơngai dà lơgar. Đơs tàm dơ\ tơngkah, Đại tá Rah Lan Lâm- Bí thư Đảng ủy, Kuang atbồ Kuang àng càr Gia Lai đơs nền: Kuang àng càr Gia Lai lơh ngan jơh nùs tam gơl pa mờ tơnguh uă bơta niam ală gah lơh broă; tơnguh bơt bơtàu Đảng, bơt bơtàu mpồl sàng goh, kơ\ kơl jap. Lam lơh niam ală Chỉ thị, Nghị quyết bơh Đảng, ală broă lơh, adat boh lam bơh Dà lơgar dê lơh pràn broă bơsram, lơh jat bồ tơngoh jak mờ rài kis Hồ Chí Minh dê, srơh “ Kuang àng Làng bol bơsram, lơh jat 6 bơta Bác Hồ bơto bơtê”, kung bè ală srơh tàm pơr lòng kờ` gơboh dà lơgar ndai, drơng broă geh cồng nha broă lơh bơt bơtàu mờ sền gàr kơ\ kơl jap Dà lơgar, di pal mờ bơta pin dờn, kờ` gơ boh bơh Đảng, Dà lơgar mờ Làng bol dê.

Cau mblàng Lơ Mu K’Yến mờ K’Hạnh