Bơdìh broă lơh jơh niam ală kơnòl gùng dră bal, gàr kơ\ ngap lơngai ờ do ờ dă tàm [òn lơgar, ală mpồl kuang àng càr Daklak gam lơh niam broă lam sồr làng bol, mut lơh uă broă lơh dong làng bol geh cồng nha, bơh hơ\ bơto bơtê, mblàng yal kơrnuat boh lam, lam sồr làng bol mut lơh niam srơh gùt làng bol sền gàr ngap lơngai dà lơgar. Broă lơh nùs nhơm mờ mut lơh cơldu\ bơsram kơ nòm dềt r[ah tàm [òn Yang Reh, xã Yang Reh, kơn hoàl Krông Bông, càr Daklak bơh cơldu\ atbồ mut lik hờ lơgar ndai Kuang àng càr Daklak là dùl pơn yơu:

{òn Yang Reh, xã Yang Reh, kơnhoàl Krông Bông, càr Daklak geh 188 hìu nhă, uă ngan là làng bol kòn cau Rơđê, tàm hơ\ geh tus 137 hìu nhă r[ah mờ 36 hìu nhă ndrờm bè cau r[ah. Ală nam do, [òn Yang Reh neh geh ală kơnă Đảng, gơnoar atbồ sền gròi uă ngan, mut lơh uă broă lơh dong kờl, mơya phan bơna kung gam uă kal ke. {òn Yang Reh geh mờr 400 nă kơnòm bơsram kai 1 mờ kai 2 mơya pal tam cah tu\ jiơ nàng bơsram bal dùl hìu bơsram dềt mìng geh 6 cơldu\ bơsram.

Git mờ tam pà mờ kal ke hơ\, pa do, kuang bàng, cau lơh broă cơldu\ atbồ mut lik hờ lơgar ndai Kuang àng càr Daklak pơgồp bal mờ siêu thị điện máy Nguyễn Kim – Buôn Ma Thuột mờ ală cau geh nùs nhơm niam bơyai lơh pà 11 nơm rơndeh coh mờ 21 bơnah phan ai ală kơnòm bơsram r[ah geh cồng nha bơsram jak in. Bal mờ hơ\, bơyai lơh pà dùl cơldu\ bơsram nùs nhơm ai kơnòm bơsram tàm [òn in kờp priă rlau 120 tơlak priă. Đại uý Nguyễn Hà Thanh, Bí thư mpồl ơruh pơnu cơldu\ atbồ mut lik hờ lơgar ndai Kuang àng càr Daklak pà git, do là dùl tàm ală broă lơh wèt hờ [òn lơgar, bơh hơ\ bơto bơtê mblàng yal kơrnuat boh lam, lam sồr làng bol mut lơh niam srơh gùt làng bol sền gàr ngap lơngai dà lơgar. Đại uý Nguyễn Hà Thanh pà git: “Lam sồr wèt hờ [òn lơgar là dùl tàm ală broă lơh kuơ màng, geh lơh sùm pah nam bơh mpồl ơruh pơnu mờ mpồl cau ùr cơldu\ atbồ mut lik hờ lơgar ndai dê. Dơ\ do bol a` bal mờ ală cau geh nùs nhơm niam tàm càr mờ bơdìh càr bơyai lơh ơdu\ bơsram nùs nhơm pà hìu bơsram kai 1 [òn Yang Reh in, pà 11 nơm rơndeh coh mờ 21 bơnah phan ai ală kơnòm bơsram jak in. Bơh ală broă lơh bè do, sơlơ tơnguh rlau tai nùs nhơm tam klac rềp mềl đah mpồl kuang àng mờ làng bol.”

Lơh jat bơta lam lơh lơh bơh kuang bàng, cau ling kuang àng dê, uă mpồl bal, cau dùl nă să neh jơh nùs lơh broă niam wèt hờ [òn lơgar. Ồng Bùi Dũng, cau geh nùs nhơm niam tàm [òn dờng Buôn Ma Thuột, càr Daklak đơs: “Git nùs nhơm bơh làng bol dê, tu\ do mpồl lơh sa kă bro bol a` pơgồp bal mờ cơldu\ atbồ mut lik hờ lơgar ndai mờ [òn Yang Reh lơh ală oh in dùl nơm cơldu\ bơsram nàng ală oh iang nùs bơsram sră. Lơh geh ală broă do bol a` go\ gơ lơh chờ hờp ngan.”

Ală broă lơh, nùs nhơm bơh kuang bàng, cau ling kuang àng càr Daklak bal mờ ală cau geh nùs nhơm niam neh lời wơl tàm làng bol ală nùs nhơm kah kir niam ngan. Ồng Y Muôi Niê, atbồ [òn Yang Reh, xã Yang Reh, kơn hoàl Krông Bông đơs: “Ngai do geh mpồl kuang àng tus lơh dùl nơm cơldu\ bơsram tàm hìu bơsram [òn Yang Reh dê. Làng bol tàm [òn chờ hờp mờ ưn ngài ngan. Bol a` kung kơp kờ` kuang àng mờ ală cau geh nùs nhơm niam sùm sền gròi dong kờl.”

Tus mờ [òn tiah sar lơgar ngài mờ tiah làng bol kòn cau r[ah tàm Tây Nguyên là dùl broă lơh geh kuơ ngan bơh mpồl kuang àng càr Daklak dê, pơ gồp bơnah bal mờ làng bol r[ah sơr lèt gan kal ke, gàr kơ\ rài kis mờ tus bal mut lơh niam srơh gùt làng bol sền gàr ngap lơngai dà lơgar.

             Cau cih mờ yal tơnggit K’Duẩn