VOV4.K’ho - Tàm ală ngai do, gùt lơgar wèt tus tơnkah 70 nam ngai Kăc màng nhai 8 mờ sơntòm dà lơgar ngai 02/9, tơnkah broă crơng gơs mờ gơs dờng pràn bơh uă mpồl lơh broă gùng dră bal-cau ling, pơgồp bal tàm cồng nha Kăc màng bal mờ broă bơ\t bơtàu, sền gàr Dà lơgar tơnơ\ do. Tàm hơ\ geh mpồl kuang àng làng bol.

Anih lơh broă sền gàr bơta lơngăp lơngai kòn cau (PA90) kuang àng càr Gia Lai là 1 anih lơh broă krơi is ngan, geh crơng gơs nam 2004, mờ gơnoar là 1 mpồl sền gròi, kờ` go\, kơrian mờ lơh ờ geh cồng nha nùs nhơm, broă lơh bơh ală cau geh nùs nhơm gơjra`, dră wơl. Lơh jăt kơnòl mìng tàm ală tiah kal ke, tàm ală [òn tiah sar lơgar ngài, mơya kuang bàng, cau ling tàm mpồl lơh broă sùm lơh ngan sơlèt mờ kal ke, lơh gơs jăk chài kơnòl geh jàu.

Kuang bàng, cau ling tàm mpồl ai tơl^k, bơsram mờ lơh jăt ơnà jăk Bác Hồ pal geh pơgồp bal mờ ală kơnòl geh jàu mờ pal geh mùl màl jơh ală broă mờ broă lơh jăt broă lơh “Pe tus, poan bal” tàm hơ\ geh, tus bal mờ làng bol, tus bal mờ tiah [òn lơgar, tus bal mờ cau mờ ơm bal, kis bal, lơh broă bal, đơs dà kòn cau bal mờ làng bol. Thượng tá Đặng Văn Lợi, kuang jăt jơng atbồ anih lơh broă PA90, kuang àng càr Gia lai đơs: “Tơnơ\ mờ tu\ geh crơng gơs tàm nam 2004, mpồl lơh broă geh gơnoar là 1 mpồl sền gròi. Den tàng, lài ngan, mpồl đơng lam Đảng, kuang bàng đơng lam pal lơh jăt tus kuang bàng, cau ling tàm mpồl in g^t mờ g^t wă uă ngan bè broă bơsram, lơh jăt ơnà jăk Bác Hồ dê, pơgồp bal mờ broă lơh. Kờ` bơsong nùs nhơm ờ niam, broă lơh ờ niam bơh ală mpồl pơlă dră, sơgràm broă kòn cau tàm càr, kơnòl broă lơh mpồl dê kal ke ngan, mơya ờ tu\ lơi ngòt glar bòl”.

Is mờ tiah sar lơgar ngài, [òn dờng Pleiku là anih sùm gơl^k geh uă bơta dri tơlar mpồl bơtiàn, geh uă bơta tìs lơh broă geh nùs nhơm khin bơrna` mờ ndơ\p ndơr ngan. Kờ` tam dră geh cồng nha mờ ală bơta tìs, pal geh cau đơng lam jăk, ngăc ngar mờ khin cha. Trung tá Hoàng Văn Huân, atbồ mpồl Cảnh sát lùp khào cau tìs bè bơta niam ờ do ờ dă mpồl bơtiàn, kuang àng [òn dờng Pleiku geh sền là 1 nă cau đơng lam gam kơnòm să, jăk chài tàm tơl “Dơ\ tam lơh”. Bi neh bal mờ ală cau tàm mpồl gơs là cau sền gàr ală cau blơ\, kơ`ao phan. Trung tá Hoàng Văn Huân đơs: “Mùl màl, bol a` sùm tìp mờ ală bơta ờ niam mpồl bơtiàn dê, sơlơ ngai cau ờ niam sơlơ khin bơrna` ngan mờ  ngòt bơta lơi, broă lơh bơh ală cau ờ niam do dê sùm iơh bơsăk, ngòt rơngơ\t ngan tus mờ mpồl bơtiàn. Den tàng, tơl broă lơh bol a` pal nền nòn, bol a` lơh ngan lơh gơs kơnòl tàm tơl broă lơh mùl mà”.

Bal mờ ală cau ling `hăp `har mờ broă lơh, tàm mpồl kuang àng càr Gai Lai gam geh uă ngan cau đềt mềr mờ broă lơh. Thượng tá Nguyễn Viết Hợp, kuang jăt jơng atbồ anih lơh broă cảnh sát lùp khào cau tìs bè bơta niam ờ do ờ dă mpồl bơtiàn (PC45) là 1 nă cau geh pơnrơ jăk. Kờp tus tu\ do, Thượng tá Nguyễn Viết Hợp neh geh 32 nam lơh broă tàm mpồl Cảnh sát lơh glài ku\p màng. Bi pà g^t, broă Cảnh sát lơh glài ku\p màng sơlơ lơh sơlơ go\ geh uă bơta krơi is. Broă “Tam dră tìs” kal ke, ngòt rơngơ\t mơya tu\ neh gơmu\t tàm mhàm să jan he, hơ\ là broă lơh gơboh kờ` ngan mờ là bơta pràn tàm rài kis. Bu\ lah tu\ nggùl mang ha là tu\ trồ mìu, càl dờng, di lah geh broă lơi là cau lơh broă lơh glài ku\p màng pal lòt mơ. Thương tá Nguyễn Viết Hợp đơs: “32 nam bơh tu\ mu\t lơh broă tus tu\ do, a` ndrờm đềt mềr mờ broă lơh cảnh sát lơh glài ku\p màng do. Jơh nùs mờ broă lơh, bơta tòm là lơh bè lơi lùp khào kờ` g^t ală bơta tìs, lơh niam broă rơcang gàr lài kờ` sền gàr niam bơta lơngăp lơngai làng bol in. Mờ gơnoar là kuang jăt jơng atbồ mpồl đơng lam đảng, kuang jăt jơng atbồ anih lơh broă, să tòm a` ai tơl^k là pal lơh niam gơnoar pơlam broă mpồl đơng lam Đảng bal mờ kuang atbồ anih lơh broă in kờ` lơh jăt tus mờ kuang bàng, cau ling bơsram niam ală dơ\ lam sồr, tàm hơ\ uă ngan là dơ\ lam sồr bơsram mờ lơh jăt ơnà jăk Bác Hồ dê, tài rài kis lơngăp lơngai, gơboh gơbài làng bol dê”.

Neh rơlao 70 nam bơ\t bơtàu, tam lơh mờ gơs dờng pràn, kuang àng càr Gia Lai neh lơh niam gơnoar tòm tàm broă sền gàr bơta lơngăp lơngai gùng dră bal, gàr niam ờ do ờ dă mpồl bơtiàn tàm càr. Mìng tàm 5 nam do, mpồl kuang àng càr Gia Lai neh lùp khào lơh loh mờr 3 rơbô dơ\ tìs glài ku\p màng, yă rơlao 6 rơbô 400 nă cau, ku\p mờ lam sồt tơl^k măt di pơgăp 600 nă cau geh kơrnoăt sồr jòi ku\p, tàm hơ\, geh 78 nă cau iơh bơsăk ngòt rơngơ\t mờ ngòt rơngơ\t ngan. Broă bơsram mờ lơh jăt 6 bơta Bác Hồ bơto sồr kuang àng làng bol gam pơn jăt tai geh gùt mpồl kuang bàng càr Gia Lai lơh jăt uă kờ` lơh gơs kơnòl geh Đảng, Dà lơgar bal mờ Làng bol jàu. Đại tá Phạm Văn Chẩn, gơnoar jăt jơng atbồ gah kuang àng càr Gia Lai đơs: “Kờ` pơn jăt tai tơnguh ală cồng nha tàm ală nam do neh geh mờ lơh jăt niam jơnau sồr bơh Bác Hồ dê bơto kuang àng làng bol, den tàng tơngai tus, broă bơsram mờ lơh jăt 6 bơta Bác Hồ bơto sồr pal pơn jăt tai geh lơh sùm, ai tơl^k broă pơlòng uă tàm gùt mpồl. Mờ broă lơh geh ai tàm broă đơng lam tơn bơh mpồl đơng lam Đảng, gơnoar atbồ. Mờ geh broă sền gròi, dong kờl bơh làng bol kờ` kuang àng sùm di pal là kuang àng kăc mạng, cau lơh broă sền gàr tòm Đảng mờ là anih kơl dìng pin dờn làng bol dê”.

Lơh jăt jơnau bơto sồr Bác Hồ dê, kuang àng càr Gia Lai pơn jăt tai tơnguh bơhiàn jăk chài, lơh ngan pơgồp bal tàm broă sền gàr bơta lơngăp lơngai dà lơgar, gàr niam bơta lơngăp lơngai, gơboh gơbài làng bol in.

Cau mblàng Ndong Brawl