VOV4.K’ho – Bơh bồ nhai 9 tus tu\ do, tàm kơnhoàl Đak Tô, càr Kontum sùm gơlik geh uă dơ\ ntung kơ`au phan bơna mờ ală kai mut lơh lac lèu mờ tràl sơbil ngan. Mờ nùs nhơm lơh ngan gàr wơl ngap lơngai, ai geh bơta ring lơngai làng bol in, kơnhoàl Đak Tô neh mhar jòi cau tờm mut lơh, kup 2 nă cau mut lơh 13 dơ\ ntung kơ`au:

Sùm bơh bồ nhai 9 tàm kơnhoàl Đak Tô, càr Kontum uă hìu làng bol gơtìp bol blơ\ mut kơ`au phan bơna. Sơmờm tu\ làng bol lòt lơh broă ờ geh cau tàm hìu halà tu\ cau tờm hìu bic lơhă ờ rơcang ngac, bol blơ\ klah mpồng mut tàm hìu jòi, pờ két lòs ai priă, biàng kung bè ală phan geh kuơ bè điện thoại at tê, mai\ tính at tê… Mìng tàm gùl nhai tàm kơnhoàl do neh gơlik geh 9 dơ\ kơ`au mờ khà phan bơna gơtìp roh rlau 400 tơlak priă, 20 chỉ biàng SJC mờ uă kòng, che wan `ggko, sơmbiat biàng, điện thoại, laptop… Tràl sơbil rlau, tàm 2 ngai, 12 mờ 13/9, bol blơ\ neh mut, pờng pờ két lòs bơh 2 nơm hìu rềp bal tàm bòn 4, bòn drà Đak Tô. Bi ùr Diệp Thị Hạnh, 1 nă cau tờm hìu gơtìp kơ`au kah wơl: “ A` gơlơh nrơt ngan, pa ngai òr cau hìu rềp bal gơtìp bol blơ\ mut, ngai do den tus hìu a`. Jat a` bol blơ\ tràl sơbil ngan, kung dan ală oh mi kuang àng mhar lùp khàu mờ kup bàn ală cau do nàng làng bol in geh iang nùs.”

Lơh ngan lùp khàu lơh loh broă gơlik geh, kuang đơng lam bồ kơnhoàl Đak Tô neh đơng lam kuang bàng, cau ling kuang àng ờ kờp ngai mang, tơrgùm tơl mpồl cau lơh broă, phan bơna, tam cah gơs uă mpồl lòt sền gròi, mut lơh ală broă lơh mờng chài bơh sền tiah gơlik geh bơta tung kơ`au nàng sac rơ wah, kờp sền tơl nă cau geh pin. Thượng uý Nguyễn Quang Nhân, kuang jat jơng atbồ mpồl cảnh sát lùp khàu kuang àng kơnhoàl Đak Tô pà git: “ Bơh lùp khàu de go\ jơh ală dơ\ ntung kơ`au ờ geh jơnau tơnggit lơi bè cau mut lơh. Phan bơna mờ bol khi kờ` ai uă ngan là priă, biàng, tài [uơn ngui, [uơn tac den tàng kal ke ngan tàm broă jòi bàn.”

Broă gơlik geh gam tàm tơngai lùp khàu den ngai 19/9, hìu nhă bi ùr Trần Thu Hà ơm tàm [òn 9, [òn drà Đak Tô gơtìp bol blơ\ mut kơ`au, ai 12 chỉ biàng bal mờ 70 tơlak priă bal mờ ờ uă phan mừh kuơ màng ndai.

Mờ ală broă lơh mờng chài, jat tềl lời wơl, tàm ngai 19/10, mpồl cảnh sát lùp khàu neh đal git klau Nguyễn Anh Châu, 37 sơnam ơm tàm [òn 3, ntum Diên Bình geh ală tơnggo\ pin ngan. Tu\ gơtìp lùp khàu, klau Châu kơldang bồ ờ dờp broă lơh tìs he dê. Mơya tềng đap ală jơnau mblàng krà` ngan kung bè ală cơng tàng ai geh bơh cau lùp khàu dê, klau Châu neh pal kun bồ dờp tìs. Mpồl lơh broă geh gơnoar neh kup ai geh 70 tơlak priă, 1 nơm che biàng wan `ggko, 2 pơnai biàng, 1 nơm mai\ tính at tê, 2 nơm điện thoại at tê bal mờ uă phan bơna ndai.

Châu yal, bơh gùl nhai 9, khai neh mut lơh 6 dơ\ kơ`au phan tàm [òn drà Đak Tô. Jat jơnau yal bơh Châu dê, pah mang tu\ pơgap 2, 3 jiơ drim, klau do lòt sền geh hìu nhă lơi ờ til kơ\ mpồng là ngui sơ bèng, cờ lê klah mpồng nàng mut kơ`au phan hơ\ sồng cèng tac.

Tàm tu\ broă gơlik geh gam pơnjat tai geh lùp khàu rề ơnàng den drim ngai 20/9, hìu nhă bi ùr Phạm Thị Liên ơm tàm [òn 9 gơtìp bol blơ\ mut kơ`au, pờng két lòs ai kơ`au 250 tơlak priă. Mpồl cảnh sát lùp khàu kuang àng kơnhoàl Đak Tô pơnjat tai mut lơh ală broă lùp khàu, đal git, jòi kup. Tàm mang ngai 20/9, cau mut lơh broă ntung kơ`au là Nguyễn Văn Hoàng, 23 sơnam, ơm tàm [òn 6, ntum Kon Đào gơtìp kup. Klau do yal, neh mut lơh 7 dơ\ kơ`au phan mờ broă lơh pờng két lòs tàm [òn drà Đak Tô. Tam pà chờ hờp lùp khàu broă tìs geh cồng nha, thượng uý Nguyễn Quang Nhân, kuang jat jơng atbồ mpồl cảnh sát lùp khàu, kuang àng kơnhoàl Đak Tô pà git: Băng:

“ Bơta sền gròi đơng lam di tu\, krà` cê bơh kuang đơng lam bồ mpồl. Bơta pơgồp bal ring dùl nùs bal bơh ală mpồl lơh broă mờng chài tàm mpồl. Bơta jơh nùs, nhap nhar mờ tam klac bơh gùt kuang bàng, cau ling kuang àng kơnhoàl kung bè là kuang bàng, cau ling bơh mpồl cảnh sát lùp khàu hơ\ là bơta tờm nàng bol a` mhar lùp khàu ală broă ntung kơ`au.”

Kờ` di tu\ pơn jờng nùs nhơm tam dră cau tìs bơh kuang bàng, cau ling kuang àng kơnhoàl Đak Tô dê, pa do, kuang àng càr Kontum neh jờng rơ, pà khà jờng mpồl kuang àng kơnhoàl Đak Tô mờ 2 nă kuang bàng là Trung uý Bùi Đăng Doanh mờ Trung uý Hồ Nhật Phi, di mpồl cảnh sát lùp khài kuang àng kơnhoàl Đak Tô neh geh cồng nha jak ngan tàm broă lùp khàu, lơh loh ală broă lơh tìs. Bơta chờ hờp dờng rlau tus mờ tơl nă kuang bàng, cau ling kuang àng kơnhoàl Đak Tô là neh cèng wơl ngap lơngai mờ bơta pin dờn làng bol tàm [òn lơgar in. Tàm ngai geh kuang àng kơnhoàl Đak Tô jàu wơl phan bơna gơtìp kơ`au, bi ùr Diệp Thị Hạnh ơm tàm [òn 4, [òn drà Đak Tô đơs: “ Ngai do geh kuang àng kơnhoàl hòi tus nàng dờp wơl phan bơna hìu nhă gơtìp roh, a` ưn ngài ngan ală oh mi kuang àng kơnhoàl neh kup bàn mpồl sùm kơ`au phan tàm kơnhoàl. A` kung iang nùs rlau.”

Mờ nùs nhơm lơh ngan ờ lời gơlik geh ală dơ\ kơ`au ndrờm bal tàm [òn lơgar, kuang àng kơnhoàl Đak Tô gam pơnjat tai sơlơ tơnguh ală broă lơh mờng chài, tam dră mờ ală bơta cau tìs mờ lơh ngan lơh niam broă mblàng yal nàng làng bol git rơcang ngac rơcang sơndră cau tìs mờ tơnguh git wă sền gàr is phan bơna hìu nhă dê.

               Cau cih mờ yal tơnggit K’Duẩn