VOV4.K’ho-Bal mờ kơ nòl broă sền gàr lơngăp lơngai ờdo ờdă tàm [òn lơgar, kuang bàng, cau ling, kuang àng kơnhoàl Ea Kar, càr Daklak neh geh uă broă lơh mpồl bơtiàn dong làng bol, kuơmàng là srơh pà mhàm dong kờl cau.

Bi Lý Thị Chức, kis tàm [òn 22, xã Chư Bông, kơnhoàl Ea Kar, càr Daklak tàm ală tu\ deh kòn tàm hìu sơnơm xã den gơtìp gơlik uă mhàm ờ soăt. Tu\ lòt jun tus hìu sơnơm khu vực 333, tài bơh gùng ngài, bi gơtìp gơ hòr jơh uă mhàm, màng kis gơtìp ngòt rơngơ\t ngan. Tàm tu\ hơ\, hìu sơnơm ờ gam mhàm mpồl A, mờ cau hìu bơnhă kung ờ geh cau lơi dùl mhàm bal nàng pà mhàm ai bi in. Kơno geh jơnau yal, kuang đơng lam bồ kuang àng kơnhoàl Ea Kar neh ai 2 nă oh mi là Lê Văn Đức mờ Nguyễn Thanh Tuấn, sơrbac mhar lòt tus hìu sơnơm nàng pà mhàm. Kơnờm bè hơ\, mờ bi Lý Thị Chức geh dong klàs bơh bơta chơ\t. Bi yal:

“Lòt tus tàm do den hìu sơnơm jơh mhàm. Bơtuah đau mờ geh ală wa kuang àng tus pà mhàm, dilah ờ den là a` neh gơtìp chơ\t gơbloh”.

Ưn ngài hìu sơnơm khu vực 333 mờ ală kuang bàng, kuang àng kơnhoàl Ea Kar, hìu bơnhă bi Chức neh dờp bi Lê Văn Đức lơh bàp ròng kòn bi dê. Mò Lâm Thị Mót, mè bi Chức dê, ngoh rơngac đơs:

 “Bơtuah ngan kơnờm ală wa kuang àng, đah hìu sơnơm neh yal mờ ală wa kuang àng in nàng dong kờl kòn ùr a` dê, a` ưn ngài ală cau lơh sơnơm mờ ală wa kuang àng uă ngan, neh mhar di tu\ tus dong kờl kòn a`”.

Chờ hờp tài bơh neh pà mhàm di tu\ dong kờl cau, bi Lê Văn Đức gam chờ hờp rlau tai tài bơh geh tai kòn ròng:

“Bol a` gam lơh kơnòl broă tàm ù tiah xã Ea Sô den kơno kuang đơng lam bồ kuang àng kơnhoàl hòi điện thoại, a` bal mờ dùl nă bi tai sơrbac mhar lòt tơn tus tàm hìu sơnơm khu vực 333 nàng pà mhàm dong kờl dùl nă cau ùr deh kòn in. A` gơlơh chờ hờp ngan tài bơh neh dong kờl, dong klàs geh bơh bơta chơ\t ai cau ùr deh kòn in bơh mhàm tờm a` dê”.

Ai jơnau sau Lương Chí Trung dê, kis tàm xã Ea Sar, kơnhoàl Ea Kar, gơtìp gơmù tiểu cầu, sùm pal tơmu\t mhàm. Geh dơ\ jun tus dong kờl tàm Hìu sơnơm đa khoa kơnhoàl Ea Kar, hìu sơnơm do kung jơh sơl mhàm mpồl A. Kuang àng kơnhoàl hòi 4 nă oh mi tus tàm hìu sơnơm nàng pà mhàm, dong kờl sau Trung sơrlèt gan bơta ngòt rơngơ\t. Ngoh rơngac tềng đap broă lơh dờng ơnàng mờ nùs nhơm niam bơne\ ngan bơh ală oh mi kuang àng dê, ồng Lương Văn Ổn, ồng đah bèp oh Trung dê, đơs bè do:

“Bơta kòp sau a` dê tàm ngai hơ\ là kơn jơ\ ngan, tơrgùm jơh dùl jơi nòi lòt tus tàm do kung ờ go\ geh sơl cau lơh geh bal dùl mhàm mờ sau. Hìu sơnơm neh hòi den geh 2 nă bi kuang àng tus geh bal dùl mpồl mhàm, tơmu\t mhàm ai sau a` in den tàng sau neh pràn wơl. Hìu bơnhă a` ưn ngài hìu sơnơm mờ kuang àng kơnhoàl uă ngan neh dong kờl sau a` pràn wơl”.

Tàm ală nam do, sùm sền gròi tus broă lơh pà mhàm dong kờl cau, Kuang àng kơnhoàl Ea Kar neh lơh sră cih mat ală kuang bàng mờ cau ling jat tơl mpồl mhàm nàng rơcang lơh kơnòl broă dong kờl mờ sơm kòp ai cau kòp tàm ală hìu sơnơm tàm tiah do in. Đại tá Đàm Văn Thể, Pho\ Kuang atbồ Kuang àng kơnhoàl Ea Kar, càr Daklak đơs ngan bè do:

“Tu\ làng bol kờn, làng bol gơtìp ngòt rơngơ\t den kuang bàng mờ cau ling kuang àng tus dong làng bol. Bè bơh ală dơ\ pà mhàm dong kờl cau, pah nam 2 dơ\, bol a` geh bơh 50 tus 70 nă oh mi pah dơ\ nàng pà mhàm tàm hìu sơnơm kơnhoàl Ea Kar. Ai dilah ală làng bol gơtìp kal ke bè tàm hìu sơnơm khu vực 333, hơ\ sồng hìu sơnơm kơnhoàl, geh ală bác sĩ hòi den bulah ală cau ling, kuang àng gam lơh broă tàm do, geh jơnau sồr bơh kuang đơng lam bồ dê ndrờm tus dong kờl pà mhàm dong làng bol”.

Ờ mìng lơh niam kơnòl broă sền gàr bơta lơngăp lơngai ờdo ờdă tàm [òn lơgar, kuang bàng, cau ling kuang àng kơnhoàl Ea Kar neh jơh nùs tus bal lơh ală broă lơh mpồl bơtiàn, lơh broă niam, kuơmàng là broă lơh dờng ơnàng mờ nùs nhơm niam ngan pà mhàm dong kờl cau kòp. Broă lơh hơ\ dùl dơ\ tai tơngo\ nùs nhơm “tài dà lơgar hu\i să tờm, tài làng bol drơng broă” bơh cau ling kuang àng làng bol dê.

Cau cih mờ yal tơngi\t- Lơ Mu K’ Yến