VOV4.K’ho – Brồ guh bơhìan dờng màng khin cha jak chài, ală nam do, kuang àng càr Kontum neh ngai sơlơ sơrlèt gan tơl kal ke, bơt bơtàu, dờng pràn, gàr niam ngap lơngai ờ do ờ dă, tài rài kis ring lơngai mờ ngap lơngai bơh làng bol dê:

Tơnơ\ tơngklàs, sơrlèt gan uă kal ke, Kuang àng càr Kontum neh tam klac bal dùl nùs, lơh ngan tam dră ală bơta cau tìs mờ kai lơh broă bơh ală mpồl sò tơm dê; mơkung lam lơh uă srơh gùt làng bol sền gàr ngap lơngai dà lơgar, lơh gơs bơta pràn bal gàr kơ\ ngap lơngai chính trị, ờ do ờ dă tàm [òn lơgar. Kuơ màng, bơh nam 2001 tus tu\ do, ală bơta tàm Tây Nguyên đơs bal, càr Kontum đơs is geh uă gơbàn kal ke; ală gah mpồl bol sò tơm sùm jòi kai nàng lơh aniai tàm tiah làng bol kòn cau, bơchồt làng bol dô gan tiah nhàr lơgar tìs mờ kơrnuat boh lam tus lơgar Campuchia; ală bơta cau tìs gơlik geh kal ke. Kuang àng càr Kontum neh bal mờ ală mpồl lơh broă geh gơnoar lơh niam broă lam sồr làng bol; bơyai lơh lòt sền, ơm gak, lơh ngan kup ală bol tàu dră; ờ lời gơlik geh bơta lik dră, tàu dră, lơh aniai tus ngap lơngai [òn lơgar.

Bal mờ hơ\, ală mpồl Cảnh sát sùm mut lơh ală dơ\ lơh broă uă nàng kơryan cau tìs, jòi kup ală cau geh kơrnuat gơtìp kup. Pơgồp bal đah rơcang gàr mờ tam dră; tơrgùm mut lơh ală broă tam dră lài, di tu\ lùp khàu, bơsong ală tìs dờng. Cồng nha lùp khàu, kơryan cau tìs geh bơtàu tơnguh niam. Kuang àng Kontum gam lơh niam kơnòl cribơyai cấp uỷ, gơnoar atbồ in đơng lam mut lơh niam ală broă lơh dà lơgar rơcang sơndră cau tìs, Chỉ thị bơh Ủy ban nhân dân càr dê bè sơlơ tơnguh rlau tai broă rơcang sơndră, kơryan bơta ơruh pơnu, kơnòm pa tàu lơh tìs adat boh lam.

Rlau 15 nam, mpồl kuang àng Kontum neh lah yă rlau 5 rbô broă lơh tìs, kup mờ lơh glài mờr 4 rbô 500 nă cau lơh tìs, kơryan git nđờ rhiang bă tiah kal ke bè tìs mpồl bơtiàn. Mơkung ngai sơlơ chồl pràn ală broă atbồ dà lơgar bè ngap lơngai, ờ do ờ dă mpồl bơtiàn, kuơ màng là gàr niam ờ do ờ dă gùng lòt, rơcang sơndră ồs sa bơrtoh… pơgồp bơnah gàr kơ\ ngap lơngai, ờ do ờ dă tàm [òn lơgar. Ồng Nguyễn Văn Tân, ơm tàm [òn 3, sơnah [òn Trường Chinh, [òn dờng Kontum yal: “A` kis tàm càr Kontum neh rlau 30 nam den tàng kung neh uă dơ\ sền go\ ală tam gơl bơh càr dê, tàm hơ\ geh mpồl kuang àng. Đơs ngan là tàm mpồl bơtiàn tu\ do mờ ờ geh mpồl kuang àng den ờ git bơta lơh broă bơh ală cau tìs dê geh tràl sơbil mờ ngòt rơ ngơt bè lơi. Kờ` sền gàr ngap lơngai, ờ do ờ dă tàm tơngai lài, dong làng bol iang nùs lơh broă bơtàu tơnguh lơh sa là kơ nờm mpồl kuang àng tàm càr lơh niam broă lòt sền, sền gàr mờ bơsong di tu\ ală broă gơlik geh gơ rềng tus ngap lơngai ờ do ờ dă.”

Ală nam do, kuang àng càr Kontum sùm sền gròi uă ngan tus broă bơt bơtàu mpồl lơh broă, bơt bơtàu Đảng, chồl pràn ală srơh pơr lòng “Tài ngap lơngai dà lơgar”… Bơh hơ\, neh lơh jơh niam kơnòl sền gàr ngap lơngai chính trị, gàr niam ờ do ờ dă mpồl bơtìan, geh làng bol pin dờn mờ kờ` gơboh.

Ồng Hoàng Lệnh – dùl nă kuang bàng kuang àng càr Kontum neh jơh sơnam lơh broă pà git: Tus tu\ do, kuang àng càr neh dờng pràn rlau bè phan bơna, mai\ mok kung bè mpồl lơh broă. Ală nam do, mpồl kuang àng càr neh lơh geh uă cồng nha, pơgồp bơnah brồ guh tai bơhìan ờs mờng, kac màng khin cha jak chài bơh mpồl kuang àng dê. Den tàng, a` pin dờn gơnoar atbồ mờ làng bol ală kòn cau tàm càr sùm pin dờn tàm mpồl kuang àng tàm broă lơh sền gàr ngap lơngai chính trị, ờ do ờ dă [òn lơgar mờ pin dờn mpồl kuang àng càr geh lơh geh uă cồng nha jak rlau tai.”

Bơh 42 nam lơh broă, bơt bơtàu mờ dờng pràn, gơwèt mờ cau ling kuang àng càr Kontum, do là bơta pơn ìơ să, là bơta kuơ màng ngan ai geh tai bơta pràn nàng tơl nă kuang bàng, cau ling kuang àng pơnjat tai brồ guh, kơ\ nùs tàm broă tam dră sền gàr ngap lơngai dà lơgar, pơ gồp bơnah bal mờ gùt Đảng, gùt làng bol mut lơh geh cồng nha jơnau kờ` “Làng bol pas sơm, dà lơgar pràn kơldang, mpồl bơtiàn ringbal, làng bol lơh tờm, gơguh jak.”  

                Cau cih mơờyal tơnggit K’Duẩn