VOV4.K’ho – Tềng đap bơta geh ua\ jơnau yal mờ broă ngui ală mạng xã hội, bơh bồ nam do, kuang àng kơnhòal M’Drăk,  càr Dak Lak neh pờ ua\ mat Zalo, Facebook… nàng dờp jơnau yal yă cau tìs, jòi cau roh thit, rềs àr gùng lòt; pờ tơlik jơnau tơnggit mblàng yal, bơ to bơtê adat boh lam… Tơ nơ\ rlau nggùl nam lam lơh, broă lơh do bơh sơn rờp ai go\ cồng nha loh làng bol. Bơh ală jơnau yal, mpồl lơh broă geh gơnoar neh bơsong sơbac mhar, geh cồng nha ală broă lơh aniai tus bơta lơngap lơngai tàm [òn lơgar.

Xã Ea Pil, kơnhòal M’Drăk geh 12 jơi bơtìan kòn cau ơm kis tàm bă ù ơnàng rlau 80 kơi sồ vuông. Sơ mờm ù tiah dờng ơnàng, geh gùng rơndeh 26 lòt gan, geh gùng tơrbo\ bal mờ kơnhòal Ea Kar, càr Dak Lak mờ kơnhòal Sông Hinh, càr Phú Yên, ală cau lơh broă tìs sùm rê tus tiah do nàng ơm pồn mờ lơh broă. Ồng Nguyễn Quốc Hùng, ơm tàm thôn 1, xã Ea Pil pà git, bơh bồ nam do, tu\ kuang àng xã Ea Pil pờ mat Zalo, Facebook dờp jơnau yal bơh làng bol, den ală broă lơh tìs adat boh lam neh gơmù ua\ ngan: “Thôn 1 lài do gơlik geh ua\ ngan broă tam lơh tam pờng, tung kơ`au, bơh tu\ lam lơh broă lơh Zalo dờp jơnau yal yă den kuang àng xã neh tus bơsong sơbac mhar mờ geh cồng nha den tàng broă lơh tìs neh gơmù ua\ ngan. Geh Zalo den làng bol pơyua rùp kuang àng in, hòi điện thoại yal là cau tìs ngòt ngan ờ khin lơh tìs tai. Mpồl atbồ is thôn gam mblàng yal làng bol tởbro\ bal mờ cau atbồ thôn, phó atbồ thôn, kuang atbồ kuang àng xã nàng yal kuang àng in bơsong kờ` gàr niam lơngap lơngai ờ do ờ dă”.

Bơh jơnau yal tàm Zalo, Kuang àng xã Ea Pil neh mhar tus tiah gơlik geh rềs àr gùng lòt

Jat đại úy Nguyễn Sơn, Kuang atbồ kuang àng xã Ea Pil yal, bơh ală pang mạng “Facebook, Zalo – tơrbo\ bal ring lơngai tơl hìu bơnhă in”, ờ mìng mhar dờp jơnau yal yă cau tìs bơh làng bol dê, ală kuang àng gam mblàng yal tơn tus làng bol in ală gùng dà, broă lơh bơh Đảng, adat boh lam bơh dà lơgar dê, mblàng yal, tơnguh jơnhua nùs nhơm rơcang ngac, jơnau git wă geh kơ nòl bơh tơl nă cau dê tàm broă rơcang sơndră cau tìs, pơ gồp bơnah sền gàr lơngap lơngai, ờ do ờ dă tàm [òn lơgar: “Bơh broă lơh ngan ngồn tàm xã kung bè broă ngui ua\ mạng xã hội tàm tơngai tu\ do, să tờm a` rê lơh broă tàm xã neh dan jơnau đơs bơh kuang đơng lam kuang àng kơnhòal dê, pờ mat ală pang mạng zalo, Facebook nàng mblàng yal, bơ to bơtê adat boh lam, dờp jơnau yal yă cau tìs. Tu\ geh mblàng yal den làng bol ngan là cau kơ nòm să khih git mờ lơh geh cồng nha mhar ngan. Bơta lơngap lơngai ờ do ờ dă tàm xã kung niam rlau, broă lơh tìs adat boh lam kung gơmù sơl. Tus tu\ do, mat Zalo bơh xã Ea Pil dê neh geh 490 dơ\ làng bol sền gròi, jòi git”.

Jơnau yal bơh kuang àng kơnhòal M’Drăk dê ai go\, tus tu\ do, jơh ală xã tàm kơnhòal neh pờ mat Zalo, Facebook mờ sồ điện thoại Zalo tơrbo\ bal mờ làng bol nàng dờp jơnau yal yă cau tùs, rềs àr gùng lòt, mblàng yal, bơ to bơtê adat boh lam… Trung tá Hồ Phi Nam, Phó Kuang atbồ kuang àng kơnhòal M’Drăk pà git, bơh bồ nam tus tu\ do, bơh ală mat Zalo, Facebook do, kuang àng kơnhòal neh kup bàn 30 broă lơh tìs adat boh lam, lơh glài mờ pria\ rlau 100 nă. Bơdìh hơ\ tai, Kuang àng kơnhòal kung pơyua sră nggal tus anih lơh broă geh gơ noar kấp jơnhua rlau nàng lah yă ua\ broă lơh tìs bal mờ git nđờ jơt nă cau lơh tìs hình sự.

Kuang àng kơnhòal M’Drăk kup mpồl tơnhàu bràs kơ`au tàm tiah rềp mờ xã Ea Sô, kơnhòal Ea Kar

Jat Trung tá Hồ Phi Nam đơs, broă ngui ală mat Facebook, Zalo halà sồ điện thoại Zalo kung geh ală bơta ờ niam. Nàng ală mat Facebook, Zalo do lơh geh cồng nha kung bè ờ dờp ală jơnau yal ờ ngan, kuang àng kơnhòal neh crơng gơs mpồl sền sơ wì jơnau yal, mơkung bơ to pơlam tơnguh mờng chài lơh broă ai jơh kuang àng ală xã, thị trấn in mờ mblàng yal nàng làng bol in git loh bơta kuơ bơh broă tơrbo\ bal dê: “Bol hi neh rơ wah ală kuang bàng, kuang àng geh mờng chài bè công nghệ thông tin, cih sră nggal kung bè git loh bè bơta lơngap lơngai tàm [òn lơgar nàng tơmut tàm mpồl sền sơ wì jơnau yal. Ală oh mi do tus bơh ală mpồl sền gàr lơngap lơngai, lơh sa, ma túy, hình sự. Bal mờ crơng gơs mpồl sền sơ wì jơnau yal den bol hi gam đơng lam kuang atbồ kuang àng ală xã dờp kơ nòl lơh bal mờ làng bol nàng dờp jơnau yal; đơng lam kuang àng ală xã, thị trấn pơn jat tai pơ gồp bal tàm ală dơ\ pơrjum làng bol nàng tơnguh jơnau git wă bơh làng bol dê bè bơta kuơ bơh ală pang mạng Zalo, Facebook nàng khi in ngui yal jơnau”.

Gơtùi đơs, tàm tơngai ngui ua\ công nghệ thông tin bè tu\ do, broă ngui broă lơh mblàng yal, rơcang sơndră cau tìs, dờp jơnau yal yă cau tìs bơh Zalo, Facebook là broă lơh ngan ngồn, pơ gồp bơnah tơnguh cồng nha srơh jơh gùt làng bol rơcang sơndră cau tìs, sền gàr lơngap lơngai, ờ do ờ dă, ngan là tàm ală tiah [òn lơgar

Cau cih Tuấn Long – Cau mblàng K’Duẩn