VOV4.K’ho – Pơgap rlau 1 nam do, kuang bàng, cau ling kuàng àng sơnah [òn Yên Đỗ, [òn dờng Pleiku, càr Gialai mut lơh broă lơh “ hìu [ềp tru\ sa dong kờl cau” drơng cau kòp r[ah, cau kra kis dùl nă să gam sơm kòp tàm ală hìu sơnơm. Ală bơnah piang ram mhu\ nùs nhơm kòn bơnus ai go\ rùp să niam bè cau ling kuang àng rài làng bol mờ drơng lơh.

Bi Ksor Hlơi, kòn cau Jarai ơm tàm ntum Bar Măih, kơnhoàl Chư Sê ròng kòn klau piam sơm òp tàm hìu sơnơm dờng càr Gialai nđờ nhai do. Kung kàr hơ\ tu\ tơngai, sùm pah tu\ sàu ngai, bi mờ kòn klau dờp ală bơnah piang dong kờl cau bơh ală cau geh nùs nhơm niam cèng tus. Hìu nhă r[ah, rài kis uă kal ke den tàng ală bơnah piang sàu dong kờl, ală bơnah piang nùs nhơm sơlơ kuơ màng mờ bèp kòn bi Hlơi. Tềng tê cèng bơnah piang gam duh pa geh dờp bơh ală cau ling kuang àng kềng bơdìh hìu sơnơm, bi Ksor Hlơi ngoh rơngac đơs: “ A` ưn ngài ală cau geh nùs nhơm niam, ală cau ling kuang àng uă ngan. Ngai lơi bèp kòn a` dê kung dờp geh ală bơnah piang sa dong kờl, bèp kòn a` dê ưn ngài ngan.”

Kuang àng tru\ piang dong kờl cau

Hìu [ềp tru\ sa dong kờl cau, bơnah piang nùs nhơm geh mut lơh tàm ală hìu sơnơm tàm [òn dờng Pleiku neh bơh jo\ geh bơta tus bal bơh uă mpồl bal, cau dùl nă să, ală cau geh nùs nhơm niam. Jat mờ hơ\, pah ngai geh dùl halà 2, 3 mpồl tru\ sa ală cau r[ah, ală cau geh rài kis kal ke gam sơm kòp tàm ală hìu sơnơm. Mìng is ơruh pơnu kuang àng sơnah [òn Yên Đỗ mờ ală cau bơyô dờp tru\ sa dong kờl cau tàm ngai 10 pah nhai jat sră kờp nhai lơgar he dê. Kờ` di tu\ pà piang tàm gùl ngai mờ kờ` dơ\ sàu sa gàr tơl kloh niam, tơl phan sa bơkah, ală cau ling kuang àng neh bal mờ ală cau tru\ sa neh pal lòt drà bơh 1 jiơ àng nàng blơi biap, kơnuh, plai đo, poac ka… nàng tru\. Broă lơh bòl glar mơya ală cau ling kuang àng cau lơi kung chờ hờp mut lơh tài broă do sơn đờm bơh nùs nhơm. Thiếu uý Vũ Phi Hùng, atbồ mpồl ơruh pơnu kuang àng sơnah [òn Yên Đỗ pà git: “ Broă lơh pà piang dong kờl cau tàm hìu sơnơm dờng càr mờ hìu sơnơm [òn dờng Pleiku là sơn đờm bơh nùs nhơm kuang bàng, cau ling kuang àng sơnah [òn dê. Mpồl ơruh pơnu kuang àng sơnah [òn bal mờ mpồl ơruh pơnu sơnah [òn Yên Đỗ mờ ală oh mi geh pơnjat tai brồ guh nùs nhơm nha niam jlòm nha sèt mờ mpồl ơruh pơnu kuang àng sơnah [òn geh lơh ngan nàng bơt bơtàu rùp rài niam kuang àng làng bol dê.”

Đại uý Nguyễn Văn Thiện, kuang jat jơng atbồ kuang àng sơnah [òn Yên Đỗ, [òn dờng Pleiku pà git, là dùl mpồl lơh broă tàm [òn lơgar den tàng kuang àng sơnah [òn sùm tam tìp mờ làng bol. Kờ` tam pà ală kal ke mờ cau r[ah, ngan là cau r[ah sơm kòp tàm hìu sơnơm, mpồl kuang bàng neh crơng gơs broă lơh hìu [ềp tru\ sa dong kờl cau. Nàng gàr niam broă lơh do, pah nhai tơl nă kuang bàng, cau ling kuang àng tàm mpồl tă pơgồp êt ngan là 300 rbô. Là broă lơh di mờ geh kuơ dờng màng den tàng gùt kuang bàng, cau ling kuang àng sơnah [òn ndrờm lơh jat. Kung bơh hơ\, ală cau ling kuang àng sơnah [òn lơh ngan bơt bơtàu rùp să bè mpồl kuang àng làng bol tài làng bol drơng lơh. Đại uý Thiện yal: “ Do là broă lơh bal bơh Gah kuang àng dà lơgar, bơh kuang àng càr bơh jơh kuang àng 14 sơnah [òn, 9 ntum tàm [òn dờng pleiku ndrờm gam lơh ngan bơt bơtàu rùp să kuang àng tài làng bol drơng lơh. Do kung là broă mut lơh jat 6 jơnau Bác Hồ bơto sồr kuang àng làng bol, hơ\ là bè broă lơh pal jơh nùs, pal lơh jơh niam kơnòl broă, mờ làng bol den pal git sền ngềr.”

Piang sa geh dong kờl

Mờ bơta lơh ngan bơh kuang bàng, cau ling kuàng àng dê, rlau 1 nam do, broă lơh hìu [ềp tru\ sa dong kờl cau, bơnah piang nùs nhơm bơh kuang àng sơnah [òn yên Đỗ, [òn dờng Pleiku dê geh gàr niam ngan. Sùm tàm ngai 10 pah nhai jat sră kờp nhai he dê, geh bơh 300 tus 400 bơnah piang dong kờl cau geh pà cau r[ah, cau geh rài kis kal ke tàm ală hìu sơnơm tàm [òn dờng in. Broă lơh do ngai sơlơ dờp geh bơta lơh jat bơh ală cau geh nùs nhơm niam mờ ală ơruh pơnu dê. Bi ùr Trương Thảo Nhi, dùl nă cau geh nùs nhơm niam tàm sơnah [òn Yên Đỗ pà git: “ Klo ală oh mi kuang àng geh broă lơh dong kờl cau tàm hìu sơnơm càr mờ hìu sơnơm [òn dờng den a` kung tă pơgồp dùl êt nùs nhơm he dê. Kơp kờ` nùs nhơm he dê geh dong kờl ală cau geh rài kis kal ke.”

Hìu [ềp tru\ sa dong kờl cau, piang sàu nùs nhơm bơh kuang bàng, cau ling kuang àng sơnah [òn Yên Đỗ dê, dùl broă lơh dềt mơya neh pơgồp bơnah dong ală cau kòp r[ah tàm [òn dờng Pleiku tơmù dimơ kal ke. Broă lơh hìu [ềp tru\ sa dong kờl cau kung ai go\ dùl rùp să niam bơh ală cau ling kuang àng tài làng bol drơng lơh dê.

         Cau cih mờ yal tơnggit K’Duẩn