VOV4.K’ho – Mho òr 22/03, Gơnoar ala mat dà lơgar iat sền ală Jơnau yal broă lơh tàm tơngai lơh broă bơh nam 2011- 2016 bơh Kuang atbồ Anih cah r`a jơnhoa hơđang rlau jơh dà lơgar, Kuang atbồ Anih sền gròi ai ngui kơrnoat boh lam jơnhoa hơđang rlau jơh dà lơgar mờ Kuang atbồ Gah kờp sền dơ\ ngui priă jền dà lơgar mờ iat ală jơnau yal sền sơ wì wơl bè ală tơngume do.

Yal broă lơh bơh Anih cah r`a dê tàm tơngai lơh broă Gơnoar ala mat dà lơgar kơnă XIII bơh ồng Trương Hoà Bình kuang atbồ Anih cah r`a jơnhoa hơđang rlau jơh dà lơgar dê sền ai go\, tơngai lơh broă lài, Anih cah r`a jơnhoa hơđang rlau jơh dà lơgar neh sồr lơh mờ lam mu\t lơh 3 broă lơh jak chài ngan, hơ\ là: sơlơ tàm pơndang tàm dơ\ cah r`a; tam gơl pa mờ tơnguh jơnhoa cồng nha broă lơh bơto bơtê, tề lam broă lơh ờs mờng ai kuang bàng mờ cau lơh broă sa priă nhai dà lơgar in; lơh niam broă lơh sền wơl jơh ală tàm bơta geh ngan cah r`a, mờ pal jat ngui ring bal kơrnoat boh lam. Jat tàm bơta hơ\, ală anih cah r`a neh bơsong mờr 1 tơlak 800 dơ\ lơh tìs, geh 98,5% khà dơ\ lơh tìs.

Pơn jăt mờ hơ\, ồng Nguyễn Hoà Bình, kuang atbồ anih sền gròi ai ngui kơrnoăt boh lam dờng rơlao jơh dà lơgar yal bè broă lơh gah sền gròi làng bol dê. Jăt mờ hơ\, tàm tơngai lơh broă pa do, cồng nha geh pơnrơ ngan gah sền gròi làng bol dê là: broă lơh jăt gơnoar yal yă, sền gròi broă bơsong jơnau yal yă, jơnau tơng^t yal cau tìs geh bơyai lơh nền nòn, geh cồng nha rơlao, khà bơsong broă geh 97,3%, sơlèt 7,3% jăt mờ khà tàm Kơrnoăt sồ 37 Gơnoar ala măt dà lơgar dê. Kuơ màng ngan, anih sền gròi ai ngui kơrnoăt boh lam neh lơh niam rơlao kơnòl yal yă, mùl màl pơgồp bal tàm broă sơndră mờ tìs oàn, tìs ờ di cau, sơndră mờ broă gơtìp gơlời tìs bơh tàm tơngai sơnrờp tàm broă yal yă.

Lồi dơ\ pơrjum mho ngai òr 22/03, ồng Nguyễn Hữu Vạn kuang atbồ Gah kờp sền dơ\ ngui priă jền dà lơgar sền Jơnau yal broă lơh tàm tơngai lơh broă bơh nam 2011- 2016. Jơnau yal đơs loh, cồng nha kờp sền dơ\ ngui priă jền tàm tơngai lài ngai sơlơ geh lơh niam, pơgồp bơnah lơh niam gơs gùng dà broă lơh kơrnoat boh lam, rơcang sơndră sa kuề sa kùa, pơhì pơhà, hoàc hươr mờ tơnguh jơnhoa cồng nha, bơta niam, song dơ pă loh làng atbồ priă jền, jơtài dà lơgar dê. Tàm tơngai lơh broă do, gah kờp sền dơ\ ngui priă jền dà lơgar neh pơgồp bơnah tơnguh priă tă mờ tơrmù dơ\ ngui kes priă mờ bơsong priă jền ndai rlau 101 rbô tơmàn priă.

Cau cih mờ yal tơngi\t- Lơ Mu K’ Yến mờ Ndong Brawl