VOV4.K’ho – Di dơ\ lòt lơh broă tus bal Cribơyai đah Kuang atbồ Anih duh broă tam klac bal wah ù tiah nhàr lơgar, sơn tơ\p jrong tiah nhàr lơgar tàm ù gờl đah Việt Nam mờ Campuchia, mho ngai 22/09, Mpồl lơh broă bơh lơgar Campuchia dê bơh ồng Var Kim Hong kuang atbồ Cơldu\ lơh broă Gơnoar atbồ lơgar Campuchia lơh kơnòl broă tiah nhàr lơgar, mơkung là Kuang atbồ Anih duh broă tam klac bal wah ù tiah nhàr lơgar, sơn tơ\p jrong nhàr lơgar tàm ù gờl đah Campuchia mờ Việt Nam neh tus còp să kuang bàng đơng lam bồ càr Lâm Đồng. Ồng Đoàn Văn Việt kuang atbồ Anih duh broă làng bol càr Lâm Đồng tơlik nùs nhơm chờ hờp ngan tu\ [òn dờng Dà Làc, càr Lâm Đồng lơh anih bơyai lơh dơ\ Cribơyai đah Kuang atbồ Anih duh broă wah ù tiah nhàr lơgar, sơn tơ\p jrong nhàr lơgar tàm ù gờl đah Việt Nam mờ Campuchia. Gơrềng tus bơta do, ồng Đoàn Văn Việt đơs tờm bơta kơ\ kơl jăp đah bàr lơgar Việt Nam mờ Campuchia là bơta niam nàng ală càr mờ [òn dờng bơh 2 lơgar dê pơn jat tai sơlơ lơh niam rlau tai bơta gi\t gơ\p ring lơngai mờ tam klac bal bơtàu tơnguh.

Cau cih mờ yal tơngi\t- Lơ Mu K’ Yến