VOV4.K’ho- Mho ngai 11/01, mò Trương Thị Mai, Ủy viên Bộ Chính trị, Kuang atbồ Ban Dân vận dà lơgar neh lòt còp, pà phan kuang bàng, cau ling tus bal dong làng bol bơsong jơnau gơ lời wơl bơh trồ tiah lơh aniai tàm Trung đoàn 143, Sư đoàn 315, Quân khu 5 mờ Mpồl ling sền gàr tiah nhàr dà lơgar càr Quảng Nam.

Nam 2020, kòp Covid-19 mờ trồ tiah lơh aniai gơlik geh kal ke, ală mpồl do ờ mìng lam lơh jai pha kơ nòl broă ling klàng, sền gàr dà lơgar mờ broă lơh bơt bơtàu Đảng mờ gam lơh niam kơ nòl broă rơcang sơndră kòp Covid-19, dong làng bol bơsong jơnau gơ lời wơl bơh trồ tiah lơh aniai. Mò Trương Thị Mai đơs niam ală tă pơgồp bơh 2 mpồl dê tàm broă lơh bơsong jơnau gơ lời wơl bơh trồ tiah lơh aniai, sơrlèt gan kal ke, ngòt rơngơt, lòt bal mờ gơ noar atbồ tàm broă lơh jòi dong kờl rềs àr, at tê bal dong làng bol tiah nhàr dà lơgar bơsong jơnau gơ lời wơl bơh trồ tiah lơh aniai, gàr bè ờs rài kis.

Cau mblàng K’Duẩn