VOV4.K’ho- Drim 11/11, tàm Hà Nội, mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ Ban Dân vận dà lơgar neh tìp mat ală cau kơ đơng yàng là kuang bàng Quốc hội khóa 14. Tàm dơ\ tìp mat, ală cau kơ đơng yàng là kuang bàng Quốc hội khóa 14 neh cribơyai, yal tơnggit bè broă lơh jat ală gùng dà bơh Đảng, chính sách adat boh lam bơh dà lơgar dê bè pin dờn jat yàng; tă pơgồp bơh ală mpồl duh broă yàng tàm gùt lơgar dê tàm nam 2020.

Tàm hơ\ đơs nền: Tơngai lài, ală mpồl duh broă yàng tàm gùt lơgar neh lòt bal mờ Đảng, dà lơgar, bơt bơtàu mpồl tam klac dờng gùt jơi bơtìan, tam klac bal gah jat yàng; tơnguh nùs nhơm kờ` gơboh dà lơgar, jơh nùs tus bal lam lơh ală kơ nòl broă bơtàu tơnguh lơh sa, mpồl bơtìan, lơh broă niam dong kờl cau, pơgồp bơnah bơt bơtàu, tơnguh bơta tam klac bal đah ală mpồl duhbroă yàng, pơn jờng cau jat yàng lơh jat adat boh lam tu\ lam lơh ală broă lơh gah jat yàng, ngan là tàm broă rơcang sơndră kòp Covid-19. Mơkung tus bal tă pơgồp jơnau đơs tàm ală sră nggal pơrjum dờng dơ\ 13 bơh Đảng dê. Ală cau kơ đơng yàng sùm pin dờn tàm ală gùng dà, broă lơh bơh Đảng mờ dà lơgar dê.

Cau mblàng K’Duẩn