VOV4.K’ho - Kuang atbồ Ban Dân vận Dà lơgar mò Trương Thị Mai bal mờ mpồl kuang bàng Quốc hội càr Lâm Đồng neh geh dơ̆ tìp mờ cau tĕ khà tàm bàr kơnhoàl Dam Rong mờ Lâm Hà.

Cau tĕ khà bàr kơnhoàl đơs niam ală broă lơh bơh mpồl kuang bàng Quốc hội khoă 14 càr Lâm Đồng dê tàm tơngai lơh broă pa do. Cau tĕ khà kơ̆p kờñ tàm tơngai lơh broă tus, Mpồl kuang bàng Quốc hội càr geh pơn jăt tai geh ală broă pơgồp bal kuơ màng ai broă bơ̆t bơtàu gùng dà broă tơnguh bơtàu lơh sa mpồl bơtiàn dà lơgar mờ càr in.

Cau tĕ khà kơ̆p kờñ Quốc hội, Dà lơgar gờñ sền gròi bơcri priă lơh niam wơl gùng 27 neh gơtìp ờ niam uă ngan nàng ai bơta ƀuơn tàm broă lòt rê làng bol in; dong kờl ală broă lơh bè lơh sơnơm. Ală tơngu me gơwèt gơnoar Quốc hội, Chính phủ neh geh mò Trương Thị Mai, kuang atbồ Ban Dân vận Dà lơgar iăt, mblàng mùl màl mờ di pal, di mờ jơnau kơ̆p kờñ bơh cau tĕ khà mờ làng bol.

Cau mblàng Ndong Brawl