VOV4.K’ho – Drim òr 3/8, mò Trương Thị Mai, Ủy viên Bộ Chính trị, kuang atbồ Ban Dân vận dà lơgar neh pà 200 bơnah phan ai làng bol mờ kơnòm dềt gơtìp kal ke tàm kơnhoàl Buôn Đôn, còp mờ lơh broă mờ ờ uă mpồl lơh broă tàm càr Daklak.

Ban Dân vận dà lơgar pà phan kơ nòm dềt in 

Tus còp mờ lơh broă mờ kuang bàng, cau lơh broă brê dà lơgar Yok Đôn, mò Trương Thị Mai kơp kờ` tơngai tus, kuang bàng, cau lơh broă brê dà lơgar Yok Đôn lơh ngan rlau tai tàm broă sền gàr, atbồ brê; ờ lời bơta koh kơl aniai brê, sơ gràm ù brê pơnjat tai gơlik geh. Kơnhoàl Buôn Đôn mờ càr Daklak pal geh rơndap broă pơgồp bal mblàng yal, lam sồr nàng làng bol in git loh ală gùng dà, broă lơh bơh Đảng mờ adat boh lam bơh dà lơgar dê tàm broă sền gàr dê.

Ban Dân vận dà lơgar lơh broă mờ Ban Dân vận Tỉnh uỷ  Daklak

Kung tàm drim òr, mò Trương Thị Mai neh geh dơ\ lơh broă mờ Ban Dân vận tỉnh uỷ Daklak. Đơs tờm bè broă bơt bơtàu mpồl tam klac jơi bơtiàn, sền gàr ngap lơngai tiah nhàr dà lơgar, mò Trương Thị Mai sồr, càr pal sền gròi tus bơta sền gàr ngap lơngai tiah nhàr dà lơgar, bơyai lơh mblàng yal, lam sồr làng bol 2 gah geh gùng nhàr lơgar gàr ngap lơngai, kơ\ kơljap.