VOV4.K’ho- Drim ngai 23/12, mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ ban Dân vận dà lơgar lòt còp, nting bơr gờm chờ 2, 3 hìu yàng tàm [òn dờng Hồ Chí Minh di ngai Noel nam 2020. Mò Trương Thị Mai đơs niam ală broă lơh ngan bơh Tổng giám mục gah jat yàng Bàp [òn dờng Hồ Chí Minh tàm ală broă lơh bơh gah jat yàng Bàp dê; kuơmàng là lam lơh niam broă rơcang sơndră kòp Covid-19; pơn jờng, dong kờl làng bol jat yàng kis niam lơh àng sơdah jơnau yàng tă pơgồp ai bơta bơtàu tơnguh bơh [òn dờng Hồ Chí Minh dê.

Mò Trương Thị Mai kơp kờ`, Tổng Gíam mục geh pơn jat tai tam klac, lơh bal, lơh jat niam gùng dà, broă lơh bơh Đảng, dà lơgar dê nàng at tê bal mờ làng bol gùt lơgar tàm broă bơt bơtàu mờ sền gàr dà lơgar. Tàm dơ\ wă, Tổng Gíam mục Gah jat yàng Bàp [òn dờng Hồ Chí Minh Nguyễn Năng đơs nền, gah jat yàng Bàp mờ làng bol jat yàng tàm gùt lơgar neh tơnguh jơnau git wă geh kơnòl tàm mpồl bơtìan bơh broă lơh rơcang sơndră kòp Covid-19, dong kờl dà ko\ dà cò lơh aniai mờ geh pơn jat tơnguh nùs nhơm tam klac bal jơi bơtìan.

Cau mblàng K’Duẩn