VOV4.K’ho - Pơnjat tai geh dơ\ tus còp mờ lơh broa\ tàm càr Daklak, mho ngai òr (24/4), ồng Nguyễn Thế Kỷ kuang geh jơng gah gùng dra\ bal dà lơgar, kuang atbồ dờng anih lơh broa\ jơnau đơs Việt Nam mờ mpồl lơh broa\ neh geh bùi lơh broa\ mờ gah lơh broa\ sùm đơng lam Đảng càr Daklak.

Tàm bui lơh broa\, ồng Nguyễn Thế Kỷ neh yal mờ atbồ  tờm ngan càr Daklak bè bơta bơtàu tơngguh  ala\ gah bơh anih lơh broa\ jơnau đơs Việt Nam. Mơ kung geh cih dờp bơta dong kờl, dong tơl bơta bơh [òn lơgar tàm  ua\ nam do nàng ala\ mpồl lơh broa\ di anih lơh broa\ jơnau đơs Việt Nam (Geh bal anih lơh broa\ sùm tàm Tây Nguyên, Anih pờ tơlik jơnau đơs,  cơldu\ lơh broa\ bơh Gah sơndio rùp Gơnoar ala mat dà lơgar mờ cau ai tơnggit jơnau bơh gah sơndio rùp VTC) lơh jak broa\ jàu tàm broa\ lơh jơnau yal tơnggit, mblàng pơlam. Ồng Nguyễn Thế Kỷ geh  đơs mờ kuang bàng atbồ tờm càr Daklak tơngai tus geh bal anih lơh broa\ jơnau đơs Việt Nam lơh geh broa\ lơh bal, nàng geh lơh niam rlau broa\ jàu mblàng pơlam tàm ala\ gah jơnau yal tơnggit bơh VOV. Wa\ mờ lơh broa\ mờ mpồl,  ồng Êban Y Phu kuang atbồ đơng lam Đảng càr Daklak neh  cih dờp bơh ala\ ta\  pơ gồp kuơ màng ngan bơh anih lơh broa\ jơnau đơs Việt Nam tàm tơngai tus, pơ gồp bal kuơ màng ngan tàm rài bơtàu tơnguh lơh sa mpồl bơtìan, gàr niam ngap lơngai [òn lơgar-dà lơgar bơh càr dê.

                   Cau cih mờ yal tơnggit K’ Brọp