VOV4.K’ho - Tơnơ\ mờ 3 ngai nggùl lơh broă mhar mờ geh kơnòl, drim òr (11/12), mpồl duh broă ala măt làng bol càr Gia Lai kơnă 10 neh tơn jơh pơrjum dơ\ 11 mờ uă kơnroăt kuơ màng bè tơnguh bơtàu lơh sa-mpồl bơtiàn neh geh cri bơyai mờ ring bal. Pơrjum kung geh bơyai lơh ờ pồ mờ pồ ờ uă groăt đơng lam mpồl duh broă ala măt làng bol bal mờ anih duh broă ala măt làng bol càr. Tàm pơrjum do, geh uă broă gơl^k geh tàm càr neh geh ală kuang bàng tàm mpồl duh broă ala măt làng bol càr Gia Lai cri bơyai, jòi gơl^k geh bơta tòm bal mờ broă lơh. Kung tàm pơrjum do, ală kuang bàng tàm mpồl duh broă ala măt làng bol càr Gia Lai neh pờ tê ring bal ờ pồ groăt kuang atbồ mpồl duh broă ala măt làng bol tus mờ ồng Phạm Đình Thu mờ groăt kuang jăt jơng atbồ mpồl duh broă ala măt làng bol tus mờ Rah Lan Tuấn tài neh jơh sơnam lơh broă jăt mờ kơrnoăt neh ai. Ồng Dương Văn Trang, kuang atbồ đơng lam Đảng càr geh pồ lơh kuang atbồ mpồl duh broă ala măt làng bol càr Gia Lai; mò Ayun H’ But, kuang atbồ gah kòn cau càr geh pồ lơh kuang jăt jơng atbồ mpồl duh broă ala măt làng bol càr. Pơrjum do kung neh pờ tê ờ pồ groăt kuang jăt jơng atbồ anih duh broă làng bol càr tus mờ ồng Hoàng Công Lự, neh jơh sơnam lơh broă jăt mờ kơrnoăt neh ai mờ ờ pồ groăt kuang jăt jơng atbồ anih duh broă làng bol càr tus mờ ồng Đào Xuân Liên. Ồng Nguyễn Đức Hoàng, kuang atbồ đơng lam Đảng kơnhoàl Đak Đoa geh pồ lơh kuang jăt jơng atbồ anih duh broă làng bol càr Gia Lai kơnă 10, tơngai bơh bơh nam 2011 tus 2016.

        Cau cih mờ yal tơng^t Ndong Brawl