VOV4.K’ho - Drim òr (18/2), ồng Nguyễn Xuân Tiến, kuang atbồ đơng lam Đảng mờ là kuang atbồ mpồl duh broă ala măt làng bol càr Lâm Đồng bal mờ kuang bàng đơng lam ờ uă gah, mpồl lơh broă càr Lâm Đồng neh tus còp mờ lơh broă mờ ală anih lơh sa kă bro lơh broă tàm [òn dờng Bảo Lộc. Tàm tơl anih tus còp, ồng Nguyễn Xuân Tiến neh còp să kuang bàng, cau lơh broă tàm ală anih lơh sa kă bro. Gơrềng tus mờ gùng dà tơnguh bơtàu kơl jăp ală anih lơh sa kă bro tơ tằm dê, ồng Nguyễn Xuân Tiến sồr, tàm tơngai tus, Gah lơh sa mờ tơnguh bơtàu [òn lơgar càr Lâm Đồng geh pơgồp bal mờ [òn dờng Bảo Lộc lơh jăt nền nòn broă kơlôi sơnơng sơntìl tòm jơu pa kờ` tam wơl mờ tơnguh bơtàu wơl gah rời brài-do là gah lơh broă pràn lài do [òn dờng Bảo Lộc dê. Tàm anih lơh sa kă bro bal sền gàr mờ tam brê Di Linh, ồng Nguyễn Xuân Tiến neh sồr anih lơh sa kă bro do pal geh broă pơgồp bal nền nòn mờ mpồl duh broă Đảng ală kơnă, gơnoar atbồ tàm kơnhoàl do tàm broă sền gàr brê, sùm sền gròi ală tiah gơl^k geh uă bè mus kơl aniai brê, ngui jơh ală gùng dà, broă lơh bơh Dà lơgar dê kờ` gàr niam, tơnguh rài kis ală hìu làng bol kòn cau kis rềp mờ brê kung bè gàr niam rài kis ală kuang bàng, cau lơh broă tàm anih lơh sa kă bro.

        Cau cih mờ yal tơng^t Ndong Brawl