VOV4.K’ho – Drim òr 18/02, tàm càr lơgar Vientiane, lơgar Lào, ồng Bounhang Volachith kuang atbồ đơng lam Đảng làng bol kac màng lơgar Lào neh wă ồng Hoàng Bình Quân, kuang atbồ mpồl cribơyai broă mờ lơgar ndai dà lơgar, kuang dong broă bơh ồng Nguyễn Phú Trọng kuang atbồ đơng lam Đảng dà lơgar Việt Nam. Ồng Hoàng Bình Quân chờ hờp ngan bè pơrjum cau ala mat gùt lơgar dơ\ 10 bơh Đảng làng bol kac màng lơgar Lào dê, 1 jơnau kuơ màng ngan tàm rài kis gùng dră bal – mpồl bơtiàn bơh dà lơgar Lào oh mi neh tơn jơh niam ngan, lơh tềl tơngai bơtàu tơnguh pa bơh kac màng lơgar Lào dê. Ồng Hoàng Bình Quân đơs tờm broă ngai sơlơ bơt bơtàu mờ bơtàu tơnguh git gơp lơh bơyô ờs mờng, tam klac kuơ màng mờ tơl làm đah Việt Nam mờ Lào, Lào mờ Việt Nam là bơta kuơ màng, geh pơrya kis jo\ tus mờ broă lơh kac màng, bơt bơtàu mờ sền gàr dà lơgar bơh tơl lơgar dê, pơgồp bơnah uă ngan tàm ngap lơngai, kơ\ kơljap, tam klac mờ bơtàu tơnguh tàm kơnhoàl mờ tàm dunia; Đảng, dà lơgar mờ làng bol Việt Nam geh lơh jơh pràn bal mờ Đảng, dà lơgar mờ làng bol lơgar Lào, sùm sền gàr, bơtàu tơnguh mờ mblàng ală rơnàng tơnơ\ do in bè bơta git gơp tam klac kuơ màng Việt Nam – Lào. Ồng Hoàng Bình Quân neh yal mùl màl bè cồng nha pơrjum dơ\ 12 bơh Đảng he dê tus mờ ồng Bounhang Volachith in.

                                                                Cau cih mờ yal tơngit K’ Duẩn.