VOV4.K’ho – Drim òr, 20/7, tàm dơ\ pơrjum dơ\ 1, gơnoar ala mat dà lơgar kơnă 14, ồng Nguyễn Phú Trọng kuang atbồ đơng lam Đảng dà lơgar neh geh jơnau đơs kuơ màng, đơs tus 5 rơndap broă dờng tus mờ broă lơh bơh gơnoar ala mat dà lơgar dê tàm tơngai lơh broă bơh nam 2016 tus nam 2021, mut lơh niam kơnòl tàm jơh 3 gah là crơng gơs kơrnuat boh lam, sền gròi mờ tơlik kơrnuat tus mờ ală bơta kuơ màng dà lơgar dê. Ồng Nguyễn Phú Trọng đơs tờm, jơnau kờ` bơt bơtàu mờ sền gàr dà lơgar tàm tơngai pa gam ai tơlik tềng đap gơnoar ala mat dà lơgar mờ ală kuang bàng gơnoar ala mat dà lơgar kơnă 14 ală kơnòl kơnjơ\ mờ dờng màng ngan. Cau te\ khà gùt lơgar gam kơp kờ` gơnoar ala mat dà lơgar kơnă pa geh jat jơng, brồ guh ală cồng nha bơh gơnoar ala mat dà lơgar kơnă lài, pơnjat tai geh uă broă lơh pa, tam gơl tơngume mờ broă mut lơh nàng tơnguh jơnhua rlau tai cồng nha lơh broă. Ồng Nguyễn Phú Trọng kung sồr ală kuang bàng gơnoar ala mat dà lơgar lơh tờm cribơyai, ngac ngar pồ halà ki\ pồ ală cau dipal tàm ală gơnoar broă đơng lam bồ dờng màng bơh ală anih lơh broă dà lơgar dê.