VOV4.K’ho – Rơcang ai pơrjum dơ\ 2, Gơnoar ala mat dà lơgar kơnă XIV, drim òr 17/10, ồng Nguyễn Phú Trọng, Kuang atbồ đơng lam Đảng dà lơgar mờ ală kuang bàng tàm Mpồl kuang bàng Gơnoar ala mat dà lơgar [òn dờng Hà Nội neh tìp mat mờ cau te\ khà kơnhoàl Ba Đình. Cau te\ khà geh jơnau đơs jờng rơ ală cồng nha bơh Pơrjum dơ\ 4, Mpồl duh broă đơng lam atbồ Đảng dà lơgar kơnă XII dê, tàm hơ\ geh broă pơn jat tai bơ\t bơtàu, lơh niam wơl Đảng, kơryan bơta ờ niam bè nùs nhơm, bồ tơngoh, rài kis mờ broă lơh. Cau te\ khà đơs niam ngan mờ pin dờn ală lơh ngan bơh Đảng mờ Dà lơgar dê tàm broă rơcang sơndră sa kuề sa kùa, pơhì pơhà. Ală jơnau đơs kung tă pơgồp tàm broă lơh Adat bè Mpồl, Adat pin dờn jat yàng; broă tam gơl tơnguh sơnam jơh lơh broă; broă lơh atbồ sră [ău; dồs dà lơgar; broă sền gàr tiah ơm kis…Sền dờng màng iat kơno ală jơnau đơs, jơnau dan bơh cau te\ khà dê, ala mat Mpồl kuang bàng Gơnoar ala mat dà lơgar, ồng Nguyễn Phú Trọng neh cribơyai bè ală bơta mờ cau te\ khà sền gròi. Jat ồng Nguyễn Phú Trọng, broă sền sơ wì Adat bè Mpồl, mờ Adat khat gơboh pin dờn là nàng kờn lơh jat ală jơnau cih bơh Sơnoa boh lam dê, lơh geh tơl ală bơta dong kờl ai broă lơh di gùng, di jơnau kờn, drơng broă lơh bơ\t bơtàu mờ sền gàr Dà lơgar bơh jơh gùt làng bol dê.

Cau cih mờ yal tơngi\t- Lơ Mu K’ Yến