VOV4.K’ho – Drim òr, 10/6, ồng Trương Quang Nghĩa kuang atbồ gah gùng lòt mờ pơndiang phan dà lơgar lòt sền mờ đơng lam chồl mhar tơngai mut lơh rơndap broă lơh gùng rơndeh ntoat rat Đà Nẵng – Quảng Ngãi.

Ồng Trương Quang Nghĩa đơs niam broă lơh ngan bơh càr Quảng Ngãi mờ ală cau tờm bơcri priă mut lơh rơndap broă lơh gùng rơndeh ntoat rat Đà Nẵng – Quảng Ngãi, ngan là tàm broă tơm priă ai ù, bơyai lơh tàm tiah mut lơh. Ồng kung tơngkah, tơngai mut lơh mùl màl tàm tiah lơh gùng lơỳai rlau mờ rơndap broă. Tơngai tus, ală cau tờm bơcri priă pal chồl mhar tơngai mut lơh rơndap broă, bal mờ hơ\ càr Quảng Ngãi kung pal tơrgùm lơh jơh broă ai ù, ai geh bơta [uơn broă mut lơh in; ală cau tờm bơcri priă bơh rơndap broă dê pal mut lơh niam ală jơnau sồr bè broă mut lơh, kuơ màng pal sền gròi tus bơta niam broă lơh, di tu\ tă bơsong ală kòl yan kal ke gơlik geh bơh ală cau bơcri priă ndai dê nàng rơndap broă geh mut lơh [uơn [ùai, di mờ tơngai pơrgon.

                 Cau cih mờ yal tơngit K’ Duẩn.