VOV4.K’ho- Pơrjum dơ\ 2, Gơnoar ala mat dà lơgar kơnă XIV, mho òr 16/11, pơn jat tai dơ\ lùp ồng Lê Vĩnh Tân, Kuang atbồ gah lơh broă dơlam is dà lơgar bè broă pồ kuang bàng mờ broă lơh glài gơwèt tus mờ ồng Vũ Huy Hoàng, Kuang atbồ Gah Kă bro mờ lơh sa mờ măy mok dà lơgar lài do. Hơ jơnau lùp bè ală broă pồ kuang bàng là lơh pơrlồm đah bơdìh lơm ai broă sac rwah cau hìu bơnhă mờ ờ go\ di là rwah cau jak, ồng Lê Vĩnh Tân pà gi\t, Gah lơh broă dơlam is dà lơgar neh sền sơ wì wơl jơnau yal tàm sră [ău neh yal, yal mờ Kuang gơs gơnăp gơnoar atbồ hơđang rlau jơh dà lơgar in bè broă pồ cau hìu bơnhă tàm 9 càr mờ [òn dờng.

Ồng Lê Vĩnh Tân, Kuang atbồ Gah lơh broă dơlam is dà lơgar hơ jơnau lùp tềng đap Gơnoar ala mat dà lơgar

Gah lơh broă dơlam is dà lơgar dan mờ Kuang gơs gơnăp gơnoar atbồ hơđang rlau jơh dà lơgar geh jơnau đơng lam sồr Anih duh broă làng bol ală càr tàm broă pồ kuang bàng pal di khà, di bơta pal geh mờ di broă; Broă rwah pal loh làng, song dơ pă, làng bol lơh tờm; mờ sồr sền sơ wì lơh glài gơ wèt tus mờ ală cau lơi sơmờm gơnoar broă, halà dong pơlam ờ di tu\ pồ. Gah lơh broă dơlam is dà lơgar bal mờ anih lơh broă geh gơrềng kơlôi sơnơng tam gơl pa ală broă lơh jat gùng dà tàm jàu loh gơnoar broă kơnòl broă tơl kơnă. Gơrềng tus broă bơh ồng Vũ Huy Hoàng dê, ồng Lê Vĩnh Tân pà gi\t, do là bơta kal ke ờ hềt geh bơh lài, den tàng bè hơ\ Gah lơh broă dơlam is dà lơgar gam pơgồp bal mờ ală anih lơh broă ờs mờng, Mpồl đơng lam Đảng bơh Gơnoar atbồ lơgar dê nàng geh broă lơh bơsong bè bơta sră nggal, mờ kơlôi sơnơng lơh geh cơng tàng adat boh lam tơnơ\ do dilah gơlik geh ală jơnau ndrờm bè do sơl.

Cau cih mờ yal tơngi\t- Lơ Mu K’ Yến