VOV4.K’ho – Drim òr, 11/8, ồng Nguyễn Chí Dũng kuang atbồ Gah rơndap broă mờ bơcri priă dà lơgar lơh broă mờ Anih duh broă làng bol càr Daknông bè broă mut lơh jat kơrnuat pơrjum dơ\ 12 bơh Đảng dê, kơrnuat mpồl Đảng càr dơ\ 11 mờ bơta lơh sa - mpồl bơtiàn, sền gàr ngap lơngai dà lơgar tơngai bơh nam 2016 tus nam 2020. Đơs tàm dơ\ lơh broă, ồng Nguyễn Chí Dũng tơngkah càr Daknông pal tơr gùm ờ uă bơta tờm tàm tơngai tus: “ Tềng đap mat ngan rlau jơh là tàm 5 nam tus, bol he pal tơrgùm tàm broă lơh sa suơn sre, kung pal sền gròi lài ngan, tă pơgồp tus tơmù rbah, ai geh broă lơh, gàr tơl niam mpồl bơtiàn. Dơ\ 2 là bơta pràn den sồr ală oh mi pal geh kơrnuat lam sồr bơta pràn, tă pơgồp bơh gùt mpồl bơtiàn den hơ\sồng bol he geh bơta pràn lơh mhar, lơh gơs bơta tam gơl mờ bơtàu tơnguh. Tu\ do bơh rơndap broă bol he dê, bơtàu tơnguh lơh sa mờ mai\ mok, bauxit, trà, lơh sa suơn sre mut ngui công nghệ pa, nhơl chờ den 3 gah do, bol he pal kờp sền wơl broă rơndap lơh. Tàm bơta bơtàu tơnguh den bol he pal lơh ngan bơtàu tơnguh bơta tam klac bă tiah, tam klac mờ ală càr gùt dar.

           Cau cih mờ yal tơnggit K’ Duẩn.