VOV4.K’ho – Drim òr 6/6, tàm hìu duh broă Gah Sền gàr dà lơgar dê, Đại tướng Ngô Xuân Lịch kuang geh jơng Gah Gùng dră bal dà lơgar, mơkung là Kuang atbồ Gah Sền gàr dà lơgar Việt Nam neh đơng lam dơ\ bơyai lơh wa\ rò mờ cribơyai broă mờ ồng Jean Yves Le Drian kuang atbồ Gah Sền gàr dà lơgar Tây mờ ală kuang bàng tàm Mpồl kuang bàng ala mat dờng màng gah ling klàng lơgar Tây. Tàm dơ\ cribơyai, bàr nă kuang bàng ring bal kờn pal pơn jat tai mu\t lơh geh cồng nha ală sră nggal neh ki\ pơrgon; sơlơ ai ală mpồl kuang bàng dờng màng tìp mat mờ lòt còp bal mờ gơ\p geh lơh sùm rlau, lơh jat geh cồng nha gùng dà broă lơh Anih duh broă bal bè tam klac bal sền gàr dà lơgar đah 2 gah nàng lơh pràn ală broă lơh cribơyai mờng chài tus bal lơh broă sền gàr ring lơngai bơh Anih duh broă dunia dê, tam klac bal bơto bơtê kuang bàng, lơh sơnơm ling klàng, kơlôi sơnơng dà lềng dờng mờ bơta tam gơl bơh dà ia dê; lơh geh tơl ală bơta niam ai ală mpồl lơh sa kă bro lơh sa mờ măy mok sền gàr dà lơgar bơh lơgar Tây dê in pơn jat tai lơh sa kă bro tàm lơgar Việt Nam.

Cau cih mờ yal tơngi\t- Lơ Mu K’ Yến