VOV4.K’ho- Mho òr 8/9, tàm Hìu Gơnoar ala mat dà lơgar dê, mò Nguyễn Thị Kim Ngân, Kuang atbồ Gơnoar ala mat dà lơgar wa\ rò Mpồl Kuang atbồ Mpồl tam klac bal ală kuang bàng Gơnoar ala mat dà lơgar gi\t gơ\p lơh bơyô bal Nhờk mờ Việt Nam bơh ồng Toshihiro Nikai, Kuang atbồ Mpồl gơnoar cih Đảng làng bol lơh tờm khat gơboh lơh Kuang atbồ mpồl. Mò Nguyễn Thị Kim Ngân cih dờp broă lơh bơh Mpồl tam klac bal ală kuang bàng Gơnoar ala mat dà lơgar gi\t gơ\p lơh bơyô bal Nhờk mờ Việt Nam tàm tơngai lài neh pơgồp bơnah ai bơta bơtàu tơnguh kơ\ kơl jăp đah bàr lơgar in. Đơs tàm dơ\ wa\ rò, mò Nguyễn Thị Kim Ngân sồr: tàm tơngai tus, bàr gah geh lơh sùm broă ai ală mpồl kuang bàng ală kơnă lòt còp bal mờ gơ\p, kuơmàng là kuang bàng dờng màng đah bàr lơgar; sơlơ lơh uă rlau tai bơta tìp mat bal đah Gơnoar ala mat dà lơgar, bàr Mpồl tam klac bal ală kuang bàng Gơnoar ala mat dà lơgar gi\t gơ\p lơh bơyô bal mờ ală kuang bàng Gơnoar ala mat dà lơgar, kuơmàng là tìp mat lơh quèng bal đah ală kuang bàng gơnoar ala mat dà lơgar gam kơnòm să, tài bơh do là ală mpồl cau kuơmàng gơ wèt tus mờ bơta bơtàu tơnguh bơh bơta gi\t gơ\p Gơnoar ala mat dà lơgar đah bàr lơgar đơs is mờ gi\t gơ\p đah Việt nam mờ Nhờk đơs bal tàm tơngai tus.

Cau cih mờ yal tơngi\t- Lơ Mu K’ Yến