VOV4.K’ho- Mho ngai 01/3, tàm hìu lơh broă Kuang àng càr Dak Lak, ala mat Bộ Kuang àng bơyai lơh yal kơrnuat bơh Bộ trưởng dê bè broă lơh tơn pồ, tàm pơ dờn kuang bàng. Jat hơ\, Thiếu tướng Lê Văn Tuyến, Kuang atbồ Kuang àng càr Dak Lak tơn jơh at gơnoar broă kuang atbồ kuang àng càr, rê lơh Phó Kuang atbồ Ủy ban sền sơ wì Đảng ủy Kuang àng dà lơgar.

Tàm tơngai lơh broă tàm Tây Nguyên (mùl màl là tàm Dak Lak mờ Dak Nông), Thiếu tướng Lê Văn Tuyến neh tam gơl wơl mpồl kuang bàng lơh broă, sùm geh mat tàm ală anih gơlik geh broă lơh tìs nàng đơng lam mờ pơn jờng nùs nhơm kuang bàng, cau ling kuang bàng tus bal lùp khàu broă lơh tìs. Kung jat jơnau tơnggit geh yal mho ngai 01/3, Đại tá Lê Vinh Quy, Kuang atbồ Kuang àng càr Lâm Đồng tơn jơh at gơnoar broă kuang atbồ Kuang àng Lâm Đồng, tus dờp kơ nòl broă Kuang àng càr Dak Lak, ala Thiếu tướng Lê Văn Tuyến.

Cau mblàng K’Duẩn