VOV4.K’ho - Dờp jơnau jà  bơh ồng Trương Tấn Sang kuang atbồ lơgar, ồng Ólafu Ragnar Grímsson kuang atbồ lơgar Iceland mờ pơ ùr neh tus Việt Nam bơh ngai 3 tus ngai 6/11. Drim òr (4/11),  dơ\ bơyai lơh wa\ rò kuơ màng neh geh bơyai lơh tàm  Gơlang  kuang atbồ lơgar. Ồng Trương Tấn Sang mờ kuang atbồ lơgar Iceland neh cri bơyai nàng geh jòi ala\ broa\ lơh chul chồl tam klac  2 lơgar tàm jơh ala\ gah broa\. Mho òr (4/11),  tàm hìu lơh broa\ Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wa\ ồng Ólafu Ragnar Grímsson gam còp mờ lơh broa\ tàm Việt Nam. Ồng Nguyễn Phú Trọng neh đơs jơnhua cồng nha cri bơyai bơh kuang atbồ lơgar Iceland mờ ồng Trương Tấn Sang kuang atbồ lơgar kung bè ala\ jơnau ring bal neh bơyai geh tàm dơ\ tus còp nàng bơtàu tơngguh rlau tai git gơp niam bơne\ bơhìan bơh lơgar lơgar. Kung tàm mho òr,  ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh tus boh bơr mờ kuang atbồ lơgar Iceland. Ồng Nguyễn Tấn Dũng  kơp kờ` 2 lơgar tơngguh broa\ lơh tam klac ai bơh ala\ bơta pràn gơtùi dong kờl bal, ngan la tàm lơh sa, ka\ bro-bơcri, bơto bơtê, năng lượng mờ tiah kis.

                                      Cau cih mờ yal tơnggit K’ Brọp