VOV4.K’ho – Drim òr 2-5, tàm Anih ơhò ơm ling klàng Cam Ranh – Khánh Hoà, mpồl ling dà lềng lơgar Việt Nam yu\ rơỳum bơyai lơh tơngkah 60 nam ngai crơng gơs mờ dờp khà jờng mpồl ling khin cha jak chài dơ\ 2.

Ồng Trương Tấn Sang kuang atbồ lơgar jàu khà jờng Ling khin cha jak chài ling klàng làng bol mpồl ling dà lềng

Tus bal dơ\ bơyai lơh geh ồng Trương Tấn Sang kuang atbồ lơgar, ală kuang geh jơng Gah gùng dră bal dà lơgar: Ồng Nguyễn Thiện Nhân – kuang atbồ Anih duh broă gah tề lam gùng dră bal dà lơgar Việt Nam, ồng Phùng Quang Thanh – Kuang atbồ gah sền gàr dà lơgar, ồng Trần Đại Quang – kuang atbồ gah kuang àng dà lơgar; ală kuang đơng lam bồ, kuang đơng at bồ Đảng, dà lơgar lài do, ală Gah, sơnah lơh broă dà lơgar mờ ală càr, [òn dờng; ală ling khin cha jak chài, kuang bàng dờng sơnam, bal mờ gal ngan ală rơnàng kuang bàng, ling dà lềng tus bal.

Sơrlèt gan 60 nam bơt bơtàu, tam lơh, bơtàu tơnguh mờ dờng pràn, ală rơnàng kuang bàng, cau ling tàm mpồl ling dà lềng neh jat jơng bơt bơtàu gơs bơhìan pơnìơ să “ Tam lơh khin cha jak chài, ngac ngar bơceh pa, lơh tờm dà lềng, lơh ngan tam lơh, ai geh pha lin”

Mpồl ling đặc công bơh Ling dà lềng

Ala mat kuang đơng lam bồ Đảng mờ Dà lơgar pà jàu khà jờng Mpồl ling khin cha jak chài tàm tơngai tam gơl pa ai Mpồl ling dà lềng in, ồng Trương Tấn Sang pin dờn là, bơtàu tơnguh bơhìan pơnìơ să bơt bơtàu, tam lơh, dờng pràn tam 60 nam do, mpồl ling dà lềng khin cha jak chài geh sơrlèt gan tơl bơta kal ke, bơta lòng, lơh jơh niam tơl kơnòl, dipal là mpồl ling kuơ màng tàm broă sền gàr gơnoar tờm dà lềng, bồt bơlàu, tiah dà lềng ndu gơnrơh dà lơgar dê, dipal mờ bơta pin dờn bơh gùt Đảng, gùt làng bol mờ gùt ling klàng he dê.

Mpồl ling dà lềng tam lơh đang gờl

Rơndeh sơtang Ling dà lềng

                                                                                                                                              Cau mblàng K’ Duẩn.