VOV4.K’ho – Dờp jơnau jà bơh ồng Nguyễn Phú Trọng kuang atbồ đơng lam Đảng dà lơgar mờ ồng Trần Đại Quang kuang atbồ lơgar Việt Nam dê, drim òr 25/4, ồng Bun-nhăng Vo- la- chít kuang atbồ đơng lam Đảng kăc màng làng bol lơgar Lào mơkung là Kuang atbồ lơgar Lào còp gi\t gơ\p lơh bơyô ngan ngồn lơgar Việt Nam. Ồng Nguyễn Phú Trọng đơs tờm, dơ\ lòt còp Việt Nam bơh ồng Bun-nhăng Vo- la- chít dê là dùl jơnau kuơmang ngan tàm bơta gi\t gơ\p dờng màng đah Việt Nam mờ Lào. Tơnơ\ dơ\ bơyai lơh wa\ rò tơn, tàm Hìu duh broă Đảng Dà lơgar dê, ồng Nguyễn Phú Trọng neh tìp mat cribơyai broă mờ ồng Bun- nhăng Vo- la- chít. Tàm dơ\ tìp mat cribơyai broă, bàr nă kuang bàng do neh cribơyai bè jơnau đơs mờ ală broă lơh chồl guh mu\t lơh geh cồng nha ală Jơnau ring bal kơnă kuang bàng dờng màng đah bàr Đảng, bàr dà lơgar tàm nam 2016 mờ ală nam pơn jat tai.

Cau cih mờ yal tơngi\t- Lơ Mu K’ Yến