VOV4.K’ho – Di pơrjum pơr lòng lơh ngan jai pha gùt ling klàng dơ\ 9, mho òr ( 26/6), tàm Gơlang kuang atbồ lơgar, ồng Trương Tấn Sang kuang atbồ lơgar tìp mat pơn jờng 100 nă cau geh pơnrơ jak, ala mat rlau 5.000 mpồl bal mờ cau dùl nă să geh pơnrơ jak tàm gùt ling klàng 5 nam do. Tàm dơ\ tìp mat, ồng Trương Tấn Sang nting sap gờm chờ ală cồng nha jak ngan tàm gùt ling klàng mờ jờngrơ ală cau geh pơnrơ jak. Ồng Trương Tấn Sang pin dờn ală cau geh pơnrơ jak gùt ling klàng ngai do geh sơlơ tơnguh rlau tai bơhìan cau ling ồng Hồ, mơkung kơp kờ` rề ơnàng ală cau geh pơnrơ jak tàm tơl anih lơh broă, pôs đồng bơh gùt ling klàng dê nàng sùm lơh jơh niam kơnòl broă. Ồng Trương Tấn Sang kơp kờ` là ală cau geh pơnrơ jak, ală ơnà cau niam broă niam geh rề ơnàng tàm gùt ling klàng, nàng chul chồl srơh pơrlòng pơgồp bơnah bơt bơtàu ling klàng làng bol Việt Nam kac màng, nhap nhar, jak chài, hời rơhời tam gơl pa, lơh jơh kơnòl dờng màng tàm broă lơh bơt bơtàu mờ sền gàr dà lơgar.