VOV4.K’ho – Mho òr (09/9), tàm gơlang kuang atbồ lơgar, ồng Trương Tấn Sang kuang atbồ lơgar tìp mat ală kuang bàng tus bal Pơrjum dunia châu Á – Thái Bình Dương tam klac mờ lơgar Cuba dơ\ 7. Pơrjum dơ\ do geh đơs là geh lơh tàm tu\ dà lơgar Cuba ai geh bơta jai pha dờng ngan tàm ală gah gùng dră bal, lơh sa, mpồl bơtiàn mờ lơh broă mờ lơgar ndai. Tàm dơ\ tìp mat, ồng Trương Tấn Sang jờng rơ mờ đơs niam cồng nha bơh dơ\ pơrjum dê, mơkung đơs tờm, do là jơnau geh pơrya ngan ngồn, ai tơng go\ bơta dong kờl dờng ngan tus mờ broă lơh tam lơh tài jơnau song, tài ngap lơngai is, gơnoar tờm mờ gơnoar geh sac rơwah is bơh làng bol lơgar Cuba dê, sơlơ tơnguh rlau tai bơta tam klac bal đah ală mpồl lơh bơyô tam klac mờ lơgar Cuba tàm châu Á – Thái Bình Dương. Ồng Trương Tấn Sang đơs là, Pơrjum dơ\ do geh tă pơgồp jơnau đơs kuơ màng tàm dơ\ tam lơh bơh ală jơi bơtiàn kờ` khat gơboh, ngap lơngai mờ ringbal adat boh lam; pơgồp bơnah tơnguh git wă bè bơta geh ngan tàm ală bơta rài kis tàm bồt khat gơboh Cuba. Đơs tờm nùs nhơm tam klac mờ làng bol lơgar Cuba, ồng Trương Tấn Sang pin dờn là, broă lơh song dơpă bơh dà lơgar Cuba dê geh pơnjat tai ai geh uă jai pha, ngai sơlơ tơnguh bơngă tàm kơnhòal mờ tàm dunia.

                                                                                       Cau mblàng K' Duẩn