VOV4.K’ho - Mho mang òr (07/10), tàm Gơlang kuang atbồ lơgar, ồng Trương Tấn Sang kuang atbồ lơgar neh geh bùi tìp mpồl cau ala mat cau ùr kong nhơn lơh broa\ pơnrơ jak ngan  bơh gah zờu, di tu\ mpồl tus Hà Nội tus bal tơnjơh srơh pơr lòng “Jak broa\ dà lơgar, jak broa\ hìu nha\” tơngai bơh 2010-2015 bơh gah dong mờ sền gàr cau lơh broa\ gah nhơm zờu Việt Nam bơyai lơh.

100 na\ cau ùr kong nhơn neh tus bal tìp mat la ala\ cau pơnrơ jak ala mat bơh rlau 15.800 na\ cau ùr lơh broa\ gah do mờ rlau 69 rbô na\ cau lơh broa\ gah nhơm zờu. Đơs tàm bùi tìp mat, ồng Trương Tấn Sang  đơs la,  tàm broa\ gơ rờm bal bè tu\ do,  ala\ gah lơh broa\ tờm dờng bơh dà lơgar bè gah nhơm zờu den pal geh lơh ngan, geh ngui khoa học công nghệ, lơh li la phan lơh geh, nàng bơtàu tơngguh mhar rlau mờ kơljap rlau bal mờ bơta  dờng mờ di pal mờ mpồl lơh sa  dờng tàm ala\ lơgar rềp bal mờ dunia.

Kuang at bồ lơgar tìp mat mờ cau ùr lơh broa\.

Ồng Trương Tấn Sang đơs tờm, Đảng, Dà lơgar sùm geh broa\ lơh dong tơl bơta tus gah nhơm zờu bơtàu tơngguh mờ pin dờ` la,  ala\ cau lam lài  geh jờng dơ\ do geh la ala\ cau pơnrơ gơguh jak geh lơh ua\ nàng geh ua\ rlau tai kong nhơn pơnrơ, pơ gồp bal mờ gah nhơm zờu mut lơh geh jai, ta\ pơ gồp tàm bơtàu tơngguh bal bơh dà lơgar.

                             Cau cih mờ yal tơnggit K’ Brọp.