VOV4.K’ho - Ồng Trương Tấn Sang kuang atbồ lơgar pa tơlik kơrnuat bè broă pà phan di tơngkah 68 nam ngai cau ling sồt să cau ling chơt màng ( 27/7/1947 – 27/7/2015). Jat mờ hơ\, khà phan pà 400.000 priă ai ală mè Việt Nam khin cha jak chài mờ ală cau dùl nă să neh geh kơrnuat pà khà jờng Mè Việt Nam khin cha jak chài lài mờ ngai 28/7/2015; cau tờm pròc mhàm cau ling chơt màng gam geh dong kờl priă jền ròng siam pah nhai; cau ling kòp tê jê să, cau geh dờp bơta dong kờl bè cau ling sồt să gơtìp gơmù bơta pràn lơh broă tài kòp tê jê să bơh 81% rlau hơđang gam geh dong kờl priă jền pah nhai; cau lơh broă rài tam lơh gơtìp sơnơm khih điôxin lơh aniai lơh gơmù bơta pràn lơh broă bơh 81% rlau hơđang gam geh dong kờl pah nhai. Khà phan pà 200 rbô ai ală cau ling kòp tê jê să, cau geh dờp bơta dong kờl bè cau ling sồt să; ala mat cau tờm pròc mhàm kuơ màng bơh cau ling chơt màng dê bè mè, bèp, pơ ùr, bơklau, kòn, cau geh màng ròng siam cau ling chơt màng; ala mat hìu nhă duh khoai cau ling chơt màng bè bi, oh, cau geh jơi nòi jàu broă duh khoai cau ling chơt màng; cau lơh broă rài tam lơh gơtìp sơnơm khih điôxin lơh aniai gơmù bơta pràn lơh broă bơh 80% mù hơđơm gam geh dong kờl pah nhai.

                                                                                                              Cau mblàng K' Duẩn.