VOV4.K’ho- Mho ngai 22/11, Mpồl lơh broă bơh Mpồl bơyai broă dà lơgar dê bơh ồng Phạm Minh Chính, Ủy viên Bộ Chính trị, Bí thư Đảng dà lơgar, Kuang ătbồ Mpồl bơyai broă dà lơgar lam bồ neh lòt còp mờ lơh broă tàm bàr pe anih lơh sa- mpồl bơtiàn tàm ù tiah kơnhoàl Buôn Đôn, càr Dăk Lăk.

Ồng Phạm Minh Chính lơh broă mờ kuang bàng, cau lơh broă tàm Hìu măy Đèng măt tơngai mpồl Srepok 1 mờ Quang Minh

Còp mờ lơh broă mờ kuang bàng, cau lơh broă tàm Hìu măy Đèng măt tơngai mpồl Srepok 1 mờ Quang Minh tàm xã Ea Wer, kơnhoàl Buôn Đôn, ồng Phạm Minh Chính jờng rơ ngan cồng nha lơh sa bơh Hìu măy dê tu\ lơh gơlik ai đèng gùng che đèng dà lơgar in khà đèng pơgăp 150 tơlak kWh pah nam, priă lơh geh bơh kă bro geh pơgăp 300 tơmàn đong, tong priă dia dà lơgar tàm tiah do in 30 tơmàn đong pah nam. Jăt ồng Phạm Minh Chính đơs, ală tiah lơh sa sươn sre geh cồng nha dùl êt den gơtùi ngui nàng bơtàu tơnguh đèng măt tơngai. Kờ` lơh geh bơta do den tiah hơ\ pal kờp sền wơl rơndăp geh ù tiah, anih lơi lơh sa sươn sre ờ geh cồng nha den gơtùi tam gơl tus lơh gơlik đèng măt tơngai.

Cau mblàng Lơ Mu K’Yến