VOV4.K’ho - Drim òr (19/03), Ủy viên Bộ Chính trị, kuang atbồ mpồl bơyai broă dà lơgar ồng Phạm Minh Chính bal mờ mpồl kuang bàng Quốc hội càr Quảng Ninh tìp mờ cau tĕ khà tàm ƀòn dờng Hạ Long.

Sền wơl tơngai lơh broă pa do, cau tĕ khà ƀòn dờng Hạ Long đơs niam broă lơh bal mờ ală nùs nhơm, jơh nùs, geh kơnòl bơh Mpồl kuang bàng Quốc hội càr Quảng Ninh dê, mùl màl là cau ala măt, là cau tơrbŏ jơnau đềt mềr ală jơnau đơs, jơnau dan, jơnau kŏp kờñ bơh làng bol tus mờ Quốc hội mờ ală anih lơh broă geh gơnoar.

Iăt jơnau đơs bơh cau tĕ khà, kuang bàng Quốc hội, Kaung atbồ mpồl bơyai broă dà lơgar ồng Phạm Minh Chính sồr, càr Quảng Ninh pal pơn jăt tai lơh jăt niam ală kơnòl tơnguh bơtàu lơh sa mpồl bơtiàn, gàr niam bơta lơngăp lơngai dà lơgar tàm tơngu me pơn jăt tai broă neh geh lơh lài, gàr niam mờ tơnguh ală bơta kuơ ờs mờng bơh càr dê, tơnguh nùs nhơm lơh is, tam gơl, bơceh lơh di pal mờ bơta geh pa, mờ hòi jà bal mờ tơrgùm niam ală bơta pràn nàng gàr niam khà gơguh lơh sa, tơnguh uă rài kis làng bol kis tàm càr.

Cau mblàng Ndong Brawl