VOV4.K’ho- Mho ngai 6/11, Tỉnh ủy Phú Thọ bơyai lơh pơrjum jờng rơ cau pơn rơ jak hòi jà làng bol jak tơngai bơh nam 2016-2020. Kuang atbồ Mpồl hòi jà làng bol dà lơgar mò Trương Thị Mai tus bal mờ đơs tàm dơ\ đơng lam pơrjum.

                                                           Mò Trương Thị Mai đơs tàm dơ\ Pơrjum

Jat jơnau yal, tơngai bơh nam 2016-2020, càr Phú Thọ neh geh rlau 6 rơbô broă lơh “hòi jà làng bol jak” tàm ală gah: bơtàu tơnguh lơh sa, bơt bơtàu [òn lơgar pa mờ tiah drà nhap nhar, bơta niam chài- mpồl bơtìan. Ală kấp ủy, gơnoar atbồ neh bơyai lơh geh rlau 2 rơbô dơ\ pơrjum cribơyai tơn jat ờs mờng mờ nisơna mờ rlau 168 rơbô nă cau tus bal.

Đơs tàm dơ\ pơrjum, mò Trương Thị Mai, kuang atbồ Mpồl hòi jà làng bol dà lơgar sồr, tàm tơngai tus, càr Phú Thọ pal pơn jat tai lơh pràn broă lơh hòi jà làng bol, gơnoar atbồ; ngui niam bơhìan kờ` gơboh dà lơgar, nùs nhơm tam klăc bal, pơn jờng làng bol tus bal, tă pơgồp uă ngan ai jơnau kờ` bơtàu tơnguh bal bơh càr dê.

Cau mblàng K’ Hạnh