VOV4.K’ho- Di dơ\ tơngkah 94 nam Ngai Sră báo Kăc màng Việt Nam, mho òr 19/6, ồng Phạm Minh Chính, Kuang atbồ Mpồl Rơndăp tăp sèng Đảng Dà lơgar neh tus pà bơkàu mờ chờ gờm Anih Jơnau đơs Việt Nam. Ồng Phạm Minh Chính đơs sùm: Anih Jơnau đơs Việt Nam pơn jat tai lơh niam broă mblàng yal, ngan là bơ\t bơtàu lơh niam wơl Đảng, pơgồp bal mờ broă bơsram mờ đòm jat nùs nhơm, bồ tơngoh, rài kis mờ broă lơh jak Hồ Chí Minh dê.

Còp mờ chờ gờm ală kuang bàng, cau lơh báo, cau lơh măy mok tàm Anih Jơnau đơs Việt Nam, ồng Phạm Minh Chính đơs ngan: Tơngai tus Anih Jơnau đơs Việt Nam pal sền dờng màng mblàng yal Pơrjum dờng Đảng ală kấp wèt tus Pơrjum dờng Đảng gùt lơgar dơ\ 13; pơn jat tai mblàng yal ală kơrnoat Đảng dê nàng gơlòt mu\t ngan ngồn tàm rài kis.

Mờ bơta pràn geh tơl 4 bơta sră báo, Anih Jơnau đơs Việt Nam sùm sơrbac mhar, ngac ngar, jak chài, jat sền ală broă gơlik geh pah ngai bơh dà lơgar dê, di tu\ ai gùng dà, broă lơh Đảng mờ kơrnoat boh lam dà lơgar dê yal làng bol in; đơs wơl di pal, song dơ pă, ngan ngồn, geh nùs nhơm pơlam gùng ală broă bơh dà lơgar dê.

Cau mblàng Lơ Mu K’Yến