VOV4.K’ho - Tàm ală nam do, kơnờm mờ broă lơh ngan bơsram tàm broă lơh, ngui khoa học tàm broă lơh sa, bi Y Brôn, kòn cau Mnông, kis tàm [òn Phai Kol Pru Dăng, xã Dăk Nia, [òn dờng Gia Nghĩa, càr Dak Nông neh lơh ngan brồ guh klàs mờ jơgloh rơ[ah mờ geh rài kis hờm ram.

Bơdìh hơ\ tai, bi gam dong kờl oh mi tàm [òn brồ guh bal tơnguh bơtàu broă lơh sa, tơnguh rài kis.

Bi Y Brôn, deh nam 1979, kòn cau Mnông, kis tàm [òn Phai Kol Pru Dăng, xã Dăk Nia, [òn dờng Gia Nghĩa, càr Dak Nông. Ờ bài mờ rài kis jơgloh rơ[ah, bi Y Brôn neh tus bal mờ ală ơdu\ bơto broă lơh tàm [òn bơyai lơh, jòi nàng g^t bè broă mờng chài bơh ală broă lơh niam, ală broă lơh geh bơceh lơh, ngui khoa học kỹ thuật tàm broă mùl màl sền gàr phan tam, phan ròng hìu nhă dê.

Tu\ do, mờ rơlao 1 lồ 5 sào ù tam kơphe bơrlu\ bal mờ tòm chi sa plai mờ ròng phan, pah nam ờ kờp mờ broă neh tă lơh broă, hìu nhă bi geh priă cồng rơlao 100 tơlăk đong. Bi Y Brôn yal:

-A` bơsram broă lơh, mờ bơh jơnau g^t wă să tòm a` dê là bè lơi ală tiah bè tàm Tây Bắc là tiah ù lu\ rơđeh kung gam lơh sa gơtùi, a` den kis tàm Tây Nguyên ù tiah bazan pơrhê niam mờ gam rơ[ah.

Den tàng pal brồ guh tus bal tàm ală ơdu\ bơsram broă lơh bơh xã, bơh càr, bơsram tàm internet, bơsram bơh tàm pang sră nàng kơlôi sơnơng ală broă lơh bơh kỹ thuật tus mờ broă tam mờ sền gàr, broă lơh bal mờ broă kă bro.

Dơ\ bàr tai là gơrềng tus mờ priă jền ngân hàng, a` pal g^t wă ngân hàng lơh broă nggal ai càn priă mhar, niam nàng blơi măi mo\k mờ ală phan lơh broă nàng lơh broă niam.

Ờ mìng lơh sa jăk, hìu nhă bi Y Brôn sùm lam lài tàm broă lơh jăt gùng dà broă lơh bơh Đảng, adăt boh lam bơh dà lơgar dê. Bi neh geh làng bol pồ lơh kuang atbồ [òn mờr 5 nam do.

Mờ gơnoar là kuang atbồ [òn, bi sùm tus bal lam sồr làng bol tam gơl phan tam, phan ròng. Mờ bi sùm tam pà broă mờng chài, dong kờl hìu nhă kal ke tơnguh bơtàu lơh broă sa, rơhời brồ guh ring niam rài kis. Bi Y Brôn pà g^t:

-Tơnơ\ mờ tu\ tơnguh bơtàu broă lơh sa den a` go\ geh ờ uă hìu geh rài kis gam kal ke, oh kòn den ờ hềt tơrgùm tàm broă lơh sa. A` là kuang atbồ [òn den a` pal geh kơnòl mờ ală cau do.

Ală hìu lơh ờ hềt geh den lơh ngan ngui khoa học kỹ thuật di pal, oh kòn tơrgùm tàm broă lơh sa, ba` dờn jơnau bơchồt bơh cau ờ niam, pal tơrgùm tàm broă lơh sa, oh kòn lòt bơsram tus gùng tus dà, jăt gùng dà broă lơh bơh Đảng de nàng tơnguh bơtàu.

Mò Quản Thị Ngọc, Phó Chủ tịch UBND xã Dak Nia, [òn dờng Gia Nghĩa, càr Dak Nông pà g^t, tơngai do kờ` chồl pràn broă tơnguh bơtàu lơh sa, tơn jơh jơgloh tơmù rơ[ah, gơnoar atbồ xã neh chồl mhar broă lam sồr ai tơl bơta niam nàng làng bol, tàm hơ\ uă ngan là làng bol kòn cau geh tus bơsram khoa học kỹ thuật, bơto broă lơh.

Ală cau lam lài bè kuang atbồ [òn Y Brôn geh là cau pơn jăt tai “Lam sồr” làng bol, rơhời tam gơl nùs nhơm kơlôi sơnơng tàm broă lơh sa, brồ guh rơhời nàng tơn jơh jơgloh tơmù rơ[ah.

-Cau lam lài tàm tiah làng bol kòn cau den ngai sơlơ geh uă ngan, geh ờ uă cau lam lài gam kơnòm să bè Y Brôn. Geh ờ uă hìu làng bol kòn cau kung geh bơta pràn bè ù tiah, suơn mìr uă, tơriang tơriồng tàm broă lơh sa brồ guh klàs mờ rơ[ah mờ tơnguh bơtàu broă lơh sa hìu nhă.

Gơwèt mờ broă lơh bè hơ\ den tus do bol a` pơn jăt tai đơng lam ai ală gah, mpồl lơh broă pơgồp bal lam sồr, jòi nàng g^t wă mờ geh lơh uă ală broă lơh nàng lam sồr làng bol in g^t wă bè broă drơng gàr broă tơnguh bơtàu lơh sa hìu nhă.

Xã Dak Nia geh 14 jơi bơtiàn kòn cau ơm kis bal, khà làng bol kòn cau geh mờr 40% khà kờp làng bol. Kơnờm mờ broă lơh jăt ndrờm bal ală broă lơh gơwèt mờ [òn cau, rài kis làng bol ngai sơlơ geh gơguh uă; tàm xã ngai sơlơ geh uă cau lam lài tàm broă tơnguh bơtàu lơh sa kă bro.

Rài kis tơl nă cau tu\ do tàm xã geh mờr 40 tơlăk đong tàm 1 nam. Tu\ do gùt xã Dak Nia mìng gam 48 hìu ndrờm mờ rơ[ah, geh 1,74% mờ ờ gam geh hìu jơgloh.

Cau mblàng Ndong Brawl