VOV4.K’ho – Pơnjat tai dơ\ tus còp ngan ngồn lơgar Ấn Độ, mang òr, 9/12 jat jiơ lơgar Ấn Độ, kuang atbồ Quốc hội Nguyễn Thị Kim Ngân tìp mat cribơyai mờ mò Sumitra Mahajan kuang atbồ Hạ viện lơgar Ấn Độ tàm hìu lơh broă Quốc hội lơgar Ấn Độ.

Kuang atbồ Quốc hội ki\ sră kah kir

Mò Nguyễn Thị Kim Ngân nting sap gờm chờ làng bol lơgar Ấn Độ bè ală cồng nha dờng màng neh lơh geh tàm broă lơh bơt bơtàu mờ bơtàu tơnguh dà lơgar; đơs tờm Việt Nam sùm sền lơgar Ấn Độ là bơyô ờs mờng pin dờn mờ rềp mềl ngan. Mò Nguyễn Thị Kim Ngân đơs, tàm gah sền gàr dà lơgar - sền gàr ngap lơngai đah 2 lơgar pơnjat tai bơtàu tơnguh bơh ală kơrnuat tam klac, cribơyai mpồl lơh broă, tam klac bơto bơtê, lơh sa mờ mai\ mok gah sền gàr dà lơgar.

2 nă kuang ki\ sră tam klac

Mò Nguyễn Thị Kim Ngân sồr, 2 gah mut lơh geh cồng nha jơnau ringbal neh ki\ (Sră cih kah bè tam klac sền gàr dà lơgar 2 lơgar; jơnau yal bơr wèt sền bal bè git gơp sền gàr dà lơgar đah Việt Nam mờ Ấn Độ tơngai bơh nam 2015 tus nam 2020), tơnguh tam klac sền gàr dà lơgar – sền gàr ngap lơngai gơs là bơnàng jă kơ\ kơljap tàm git gơp lơh broă bal tơl làm đah 2 lơgar.

           Cau cih mờ yal tơnggit K’Duẩn