VOV4.K’ho - Drim òr (25/1), tàm Anih tờm Hìu lơh broa\ pờ tơlik jơnau đơs dà lơgar, sồ hìu 58, gùng Quán Sứ, ồng Vũ Hải kuang jat jơng atbồ dờng anih lơh broa\ jơnau đơs Việt Nam neh tìp ala\ cau ai tơnggit jơnau lơgar cau tus bal yal jơnau tơnggit bè dơ\ pơrjum dơ\ XII bơh Đảng Cộng sản Việt Nam.

            Tàm bùi tìp mat,  ồng Vũ Hải neh yal tơngit bè rài bơtàu tơngguh 71 nam bơh anih lơh broa\ jơnau đơs Việt Nam, broa\ lơh pờ ơnàng mờ bơtàu tơngguh  cồng nha yal tơngit jơnau, mblàng bè lơh broa\ mờ lơgar cau bơh anih lơh broa\ dê tàm tu\ gơ rờm bal dunia. Tu\ do,  Anih lơh broa\ jơnau đơs Việt Nam geh 8 gah pờ tơlik jơnau đơs, 17 gah pờ tơlik sơndio rùp, bao\ điện tử VOV.vn, bao\ lip VOV, 6 anih lơh broa\ sùm tàm lơgar mờ 10 anih lơh broa\ hờ lơgar cau cau. Anih lơh broa\ jơnau đơs Việt Nam neh bơtàu tơngguh sùm dờng pràn,  geh gơtùi sền iat tus 99,5% tiah làng bol ơm kis. Tus tu\ do,  anih lơh broa\ jơnau đơs Việt Nam neh geh lơh broa\  bal mờ rlau 50 mpồl, anih pờ tơlik jơnau đơs sơndio rùp tàm kơnhoàl mờ dunia. Đơs tàm dơ\ tìp mat,  ala\ cau ai tơnggit Nhân đạo lơgar Tây, bao\ Pasaxon bơh lơgar Lào mờ bao\ Brochichuon bơh Đảng làng bol Campuchia drờm geh đơs niam bơta bơtàu tơngguh  go\ ngan bơh anih lơh broa\ jơnau đơs Việt Nam tơngai lài mờ  geh đơs bơta kơp kờ`, anih lơh broa\ jơnau đơs Việt Nam geh pơnjat tai geh bơtàu tơngguh rlau tai tàm tơngai tus.

                             Cau cih mờ yal tơnggit K’ Brọp