VOV4.K’ho - Pơn jăt tai dơ\ tus còp mờ lơh broă tàm ală càr đah jum lơgar Lào, mpồl kuang bàng dờng màng càr Kon Tum geh ồng Nguyễn Văn Hùng, Bí thư Đảng uỷ, Chủ tịch HĐND càr Kon Tum lam bồ neh tus còp mờ cri bơyai mờ kuang bàng đơng lam càr Attapư, lơgar Lào.

Tơngai do, 2 càr neh rơcang lơh jăt broă lơh bal tơl ală bơta uă gah mờ neh geh uă cồng nha mùl màl, geh cồng nha. Ală broă lơh bal bơh càr Kon Tum mờ càr Attapư geh lơh niam, chồl pràn broă lơh bal tàm ală gah, dong kờl bal tơnguh bơtàu lơh sa mpồl bơtiàn, bơto cau lơh broă mờ gàr niam bơta lơngăp lơngai chính trị, niam ờ do ờ dă gùt mpồl bơtiàn tàm tiah nhàr dà lơgar, broă jòi rồ [ồc ntìng cau ling chơ\t màng lơgar Việt Nam phi să tàm lơgar Lào.

Tơngai tus, 2 càr pơn jăt tai lơh jăt pràn ală tơngu me broă lơh bal jăt jơnau kah bal neh k^; mờ ai tơl^k, bơtơl ală tơngu me lơh broă bal mùl màl, geh cồng nha rơlao, lơh bơta geh, bơta pràn bơh tơl càr, chồl pràn broă pơgồp bal lơh sa tàm tiah 3 mum tơnguh bơtàu lơgar Campuchia – Lào – Việt Nam, kung bè tàm mpồl bơtiàn lơh sa ASEAN bè kă bro, nhơl chờ mờ bơcri priă…

Cau cih mờ yal tơng^t Ndong Brawl