VOV4.K’ho - Nùs nhơm wă rò nam pa Bính Thân gam tus tàm gùt lơgar, bơh tàm tiah bồt dà lềng ngài tus mờ ù gờl dà lơgar dê. Mờ tàm ntum nhàr dà lơgar Ia Dom, kơnhoàl Đức Cơ, kuang bàng, cau ling tàm mpồl ling sền gàr mpồng nhàr dà lơgar Lệ Thanh kung gam wă rò 1 nam pa chờ hờp mờ hờm ram. Mơya, chờ nam pa mờ ờ hu^ kơnòl, ală cau ling gam rơcang, g^t ală bơta gơl^k geh mờ kơ\ tê at ngkơr phào sền gàr kơl jăp gơnoar ù tiah dà lơgar.

Bal mờ gùt ù, gùt tiah tàm lơgar, nùs nhơm wă rò nam pa tàm mpồl ling sền gàr mpồng nhàr dà lơgar dunia Lệ Thanh, kơnhoàl Đức Cơ, càr Gai Lai gam geh bơyai lơh uă ngan. Pôs ling là hìu, tiah nhàr là [òn lơgar, satềp tàm pôs ling kung bè satềp tàm hìu, kung geh tơl mbar, plai chi, geh bơkào đào, bơkào mai mờ nùs nhơm chờ hờp bal mờ ală cau ling ndai.

     Pôs ling sền gàr tiah nhàr dà lơgar dunia Lệ Thanh geh lơh tàm tiah kuơ màng

Phan sa geh lơh geh is, geh bơh tàm broă tam, ròng tơn tàm mpồl ling dê, den tàng sùm kloh niam mờ di pal mờ broă kờ` drơng satềp dê. Đại uý Nguyễn Văn Quang, cau geh jơng tàm gah gùng dră bal mpồl ling sền gàr mpồng nhàr dà lơgar dunia Lệ Thanh pà g^t: “Mpồl ling bol a` geh ală cau ling gam kơnòm ngan, nam sơnrờp satềp tàm do. Ai tơl^k kờ` rơcang lài kờ` ală cau ling in ba` gơtìp kah hìu, bal mờ mpồl ling tàm broă sền gàr gơnoar ù tiah bal mờ bơta lơngăp lơngai tiah nhàr dà lơgar, gàr kơl jăp bơta lơngăp lơngai gùng dră bal, ờ do ờ dă mpồl bơtiàn tàm do, den mpồl duh broă Đảng, gah đơng lam ling klàng neh rơcang tơl phan sa, phan ngui, poăc, ka, mbar mờ plai chi kờ` tơl ai ală kuang bàng, cau ling in sa tàm ală ngai satềp”.

Nùs nhơm chờ satềp, hờm ram tàm mpồl ling neh dong kờl ală cau ling gam kơnòl ờ kah tus mờ hìu nhă. Ală cau ling gam kơnòm g^t loh gơnoar, kơnòl să tòm tàm ù tiah nhàr dà lơgar dê.

             Suơn tam phan mpồl ling sền gàr tiah nhàr dà lơgar dunia Lệ Thanh

Dơ\ sơnrờp geh wă rò nam pa tàm tiah nhàr dà lơgar, Binh nhất Đặng Quang Tuấn, mpồl ling geh phào, mpồl ling sền gàr mpồng nhàr dà lơgar dunia Lệ Thanh đơs: “Bu\ lah satềp ngài mờ hìu nhă, mơya a` bal mờ ală cau ling ndai sùm iang nùs lơh broă mờ lơh gơs ală kơnòl tu\ geh mpồl đơng lam jàu. Tu\ do, a` dan nting bơr tus mờ làng bol gùt lơgar satềp chờ hờp mờ dan pơyoa tus ală bơyô, cau pròc mhàm a` dê geh 1 nam pa chờ hờp, bơtoah bơtoài, mè, bèp iang nùs là kòn kis tàm do niam ngan”.

Chờ nam pa, mơya ờ hu^ kơnòl. Ală kơnòl sền gàr gơnoar ù tiah gam geh mpồl ling sền gàr mpồng nhàr dà lơgar dunia Lệ Thanh bơyai lơh sùm. 100% khà ling tàm mpồl do sùm sền gàr mờ tu\ lơi kung rơcang lài lơh jăt ală kơnòl geh jàu.

                                  Sền gròi tiah nhàr dà lơgar di tàm satềp

Broă sền gròi, sền gròi cau, rơndeh, phan l^k mờ mu\t tàm tiah nhàr dà lơgar geh bơyai lơh niam, kờ` pơgồp bal tàm broă sền gàr kơkl jăp gùng nhàr dà lơgar, `jrong nhàr dà lơgar tàm tiah mờ mpồl ling sền gàr. Bơdìh hơ\ tai, mpồl ling do kung pơgồp bal nền nòn mờ ală mpồl lơh broă geh gơnoar tàm do kờ` lơh niam broă sền gàr bơta lơngăp lơngai lài mờ satềp, tàm satềp mờ tơnơ\ mờ satềp Bính Thân nam 2016. Lòt sền gròi tàm ngai bồ nam pa, Thượng uý Hoàng Hữu Kỳ, atbồ mpồl geh phào, mpồl ling sền gàr mpồng nhàr dà lơgar dunia Lệ Thanh đơs: “Geh broă lơh jăt bal bơh mpồl đơng lam ling klàng tàm do mờ tàm gơnoar atbồ mpồl ling geh phào, den a` lơh jăt wơl niam kuang bàng, cau ling tàm mpồl in sùm tơnguh nùs nhơm geh kơnòl, rơcang ngăc uă. Wă rò satềp chờ hờp mơya ờ hu^ kơnòl, tàm hơ\ uă ngan là lài mờ satềp, tàm satềp mờ tơnơ\ mờ satềp sùm rơcang ai tơl^k ală rơndăp broă bơyai lơh sền gròi tàm ală tiah kuơ màng tàm tiah mpồl ling sền gàr”.

Mpồl ling sền gàr mpồng nhàr dà lơgar dunia Lệ Thanh geh lơh tàm ntum Ia Dom, kơnhoàl Đức Cơ, càr Gia Lai geh kuơ màng ngan. Tiah mpồl ling sền gàr geh mpồng nhàr dà lơgar dunia Lệ Thanh, geh tàm gơl gùng 19, tơrbo\ mờ gùng 78 lơgar Campuchia dê mờ geh mpồng nhàr dà lơgar Oyadav. Do là gơl gùng tìp bal kuơ màng tơrbo\ Tây Nguyên lơgar Việt Nam mờ ală càr tiah đah tô măt tơngai l^k lơgar Campuchia. Tàm nhai 12/2015, neh bơyai lơh 1 broă kuơ màng ngan tàm tiah geh mpồl ling sền gàr, hơ\ là broă Gơnoar atbồ lơgar 2 lơgar Việt Nam mờ Campuchia neh bơyai lơh mu\t ngui `jrong nhàr dà lơgar sồ 30 mờ tơl gùng tơrbo\ 2 mpồng nhàr dà lơgar Lệ Thanh mờ Oyadav.

Kuang gơs gơnăp gơnoar atbồ hờ đang rơlao jơh bàr lơgar Việt Nam mờ lơgar Campuchia koh chèo mu\t ngui `jrong nhàr dà lơgar sồ 30

Dơ\ pơrjum bơyai do geh ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh lơgar Việt Nam mờ ồng Samdek Techo Hunsen, kuang gơs gơnăp gơnoar atbồ hờ đang rơlao jơh lơgar Campuchia.

Tài là tiah tìp bal kuơ màng, den tàng ală bơta tìs kung gơl^k kal ke. G^t bơta do, kuang bàng, cau ling tàm mpồl ling sền gàr mpồng nhàr dà lơgar dunia Lệ Thanh sùm rơcang lơh jăt niam ală kơnòl tòm. Tàm nam 2015, mpồl ling do neh tam dră geh cồng nha mờ ală bơta tìs. Tàm satềp Bính Thân do, ală kơnòl do kung geh lơh jăt niam tus tơl nă kuang bàng, cau ling sơl. Thiếu tá Lê Mạnh Lực, kuang jăt jơng atbồ mpồl ling sền gàr mpồng nhàr dà lơgar dunia Lệ Thanh pà g^t: “Kơnă Đảng, mpồl đơng lam ling sền gàr mpồng nhàr dà lơgar dunia Lệ Thanh neh nền nòn lơh jăt mờ lơh jăt nền nòn ală jơnau sồr mờ đơng lam bơh anih duh broă sùm, mpồl đơng lam ling sền gàr tiah nhàr dà lơgar càr dê. Bol a` rơcang lơh rơndăp broă mờ bơyai lơh jăt tus tơl nă kuang bàng, cau ling tàm mpồl, tơnguh broă g^t ală bơta gơl^k geh mờ rơcang tam dră geh cồng nha mờ ală broă bơh cau ờ niam lơh, gàr niam bơta lơngăp lơngai gùng dră bal, ờ do ờ dă mpồl bơtiàn lài mờ satềp tàm satềp mờ tơnơ\ mờ satềp Bính Thân nam 2016”.

Broă tus bal niam, rơcang lài tàm broă lơh jăt ală kơnòl bơh mpồl ling sền gàr mpồng nhàr dà lơgar dunia Lệ Thanh neh pơgồp bal kuơ màng kờ` gàr niam, ờ do ờ dă mpồl bơtiàn tàm ntum tiah nhàr dà lơgar Ia Dom, kơnhoàl Đức Cơ, càr Gia Lai dê. Bơh bơta niam do, làng bol tàm tiah do iang nùs lơh sa, tơnguh bơtàu broă lơh sa. Kung kơnờm bơh bơta do, nùs nhơm satềp tàm tiah nhàr dà lơgar do dê sơlơ ngai sơlơ hờm ram, chờ hờp. bal mờ làng bol gùt lơgar, ală cau ling tàm do kung gam wă rò nam pa chờ hờp mờ ală cau ling kung gam pah ngai tê at kơ\ ngkơr phào sền gàr tiah nhàr dà lơgar dê.

        Cau cih mờ yal tơng^t Ndong Brawl