VOV4.K’ho - Ngai òr (19/1), mpồl kuang bàng Tỉnh uỷ, HĐND, UBND, Uỷ ban MT dà lơgar Việt Nam càr Dak Lak neh tus còp, chờ gờm satềp ală anih lơh broă, mpồl lơh broă bal mờ hìu nhă 2 nă cau mè Việt Nam khin cha jăk chài tàm càr. Tàm ală anih tus còp, Mpồl kuang bàng neh iăt kuang bàng đơng lam ală anih lơh broă, mpồl lơh broă yal mhar cồng nha neh geh tàm nam 2016; broă rơcang tu\ lơi kung tam lơh, rơcang phan bơna bal mờ bơyai lơh ală broă chờ nam pa, wă rò satềp ai kuang bàng, cau ling, cau lơh broă sa priă nhai, cau lơh broă in. Mpồl kuang bàng do kung neh pà phan, chờ gờm satềp mờ pơn jờng ală cồng nha niam ală anih lơh broă, mpồl lơh broă neh geh tàm nam pa do mờ lam sồr ală anih lơh broă, mpồl lơh broă pơn jăt tai sơlèt mờ kal ke, tam klăc bal kờ` lơh gơs niam kơnòl tàm nam 2017 kung bè ală nam pơn jăt tai. Mpồl kuang bàng kung còp să, pà phan mờ chờ gờm satềp 2 nă cau mè Việt Nam khin cha jăk chài mờ kơ\p kờ` ală hìu nhă pơn jăt tai tơnguh bơhiàn ờs mờng kăc màng, tus bal tàm broă pơlòng kờ` gơboh mờ dà lơgar, lam sồr oh kòn, kòn sao lơh ngan tơnguh rài kis phan bơna, nùs nhơm, bơ\t bơtàu hìu nhă chài rơgơi, pơgồp bal tàm broă lơh geh cồng nha ală khà tơnguh bơtàu lơh sa mpồl bơtiàn tàm càr dê.

Kung tàm ngai òr (19/1), Ủy ban Mặt trận dà lơgar Việt Nam càr Dak Lak bơyai lơh tìp mat làng bol Việt Nam kis tàm lơgar ndai di dơ\ bồ nam pa Đinh Dậu 2017. Tàm dơ\ tìp mat, kuang đơng lam bồ càr Dak Lak neh yal bè broă bơtàu tơnguh lơh sa- mpồl bơtiàn bơh càr dê tàm nam lài. Mơkung đơs tờm, ală cồng nha mờ càr Dak Lak lơh geh là geh bơta tă pơgồp uă ngan bơh làng bol Việt Nam kis tàm lơgar ndai dê. Bơh ală broă lơh bơcri priă bơtàu tơnguh lơh sa mờ broă lơh dong kờl sền gàr kòn bơnus, lơh broă niam. Làng bol Việt Nam kis tàm lơgar ndai geh jơnau đơs tơngo\ nùs nhơm chờ hờp tềng đap bơta bơtàu tơnguh mờ tam gơl mhar ngan bơh càr dê kung bè kơ\p kờn pơn jat tai dờp geh bơta sền gròi, lơh geh tơl ală bơta niam dong kờl bơh Đảng, Dà lơgar mờ càr Dak Lak dê nàng làng bol geh uă tă pơgồp rơlao tai ai [òn lơgar mờ dà lơgar in.

Cau cih mờ yal tơng^t Ndong Brawl – Lơmu K’ Yến