VOV4.K’ho - Di tơnkah 61 nam ngai cau lơh sơnơm Việt Nam (27/2/1955-27/2/2016), mho òr (26/2), kuang bàng đơng lam, càr Dak Nông neh tus còp, pà bơkào chờ gờm mpồl kuang bàng, cau lơh sơnơm tàm gah lơh sơnơm càr Dak Nông.

Kuang bàng đơng lam càr Dak Nông neh dờp mờ đơs niam ală broă lơh ngan bơh gah lơh sơnơm dê tàm broă lơh gơs niam ală khà, rơndăp broă bè sền gàr bơta pràn kơl dang să jan làng bol. Mờ lam sồr kuang bàng, cau lơh broă tàm gùt gah do pơn jăt tai tơnguh nùs nhơm geh kơnòl, lơh jăt niam jăt jơnau bơto sồr Bác Hồ dê “Cau lơh sơnơm bè cau mè tòm” kờ` sơlèt ală kal ke, lơh jăt sơlơ ngai sơlơ niam rơlao kơnòl sền gàr bơta pràn kơl dang să jan làng bol. Bơdìh hơ\ tai, kuang bàng đơng lam càr Dak Nông kung neh tus còp mờ chờ gờm mpồl kuang bàng, cau lơh broă gah lơh sơnơm gam lơh broă tàm hìu sơnơm càr Dak Nông.

        Cau cih mờ yal tơng^t Ndong Brawl