VOV4.K’ho - Drim òr (01/6), dơ\ sơnrờp kuang bàng đơng lam càr Kon Tum neh geh dơ\ tìp măt, cri bơyai mờ anih lơh sa kă bro, anih lơh sa bơcri priă tềng hìu tăc dà kơphe DakMar Coffee tàm [làng hìu năc ơm Hữu nghị UBND càr Kon Tum dê.

Tàm mờr 2 jơ cri bơyai, ală jơnau đơs, jơnau dan bè ờ uă kal ke bơh anih lơh sa kă bro, anih lơh sa bơcri priă tàm ală gah broă lơh bè: lơh phan geh is, tơnguh bơtàu lơh sa suơn sre ngui công nghệ cao, tơnguh bơtàu broă lơh hìu măy pờ tơl^k ồs đèng…neh geh kuang bàng càr Kon Tum bơsong di tu\ mờ nùs nhơm bơ\t bơtàu, di pal, lòt bal mờ anih lơh sa kă bro.

Broă bơyai lơh tìp, cri bơyai mờ anih lơh sa kă bro, anih lơh sa bơcri priă do geh càr Kon Tum lơh sùm jăt tơngai bơh 6 jơ 30 phút tus 8 jơ tàm ngai dơ\ 5 pah poh bơh nhai 6 do. Bơdìh mờ broă lơh do, càr Kon Tum gam bơyai lơh dơ\ cri bơyai jăt tơngu me ha là jăt gah broă lơh geh măt sơnđan “Cau lơh sa kă bro mờ mu\t lơh sa” tàm 1 nhai 1 dơ\.

Broă lơh tìp măt pa do kờ` pơgồp bal, jòi geh jơnau kơlôi sơnơng pa, rơndăp broă lơh kờ` dong kờl mu\t lơh broă, ai tơl^k broă cri bơyai niam kờ` ală mpồl lơh broă, ală cau in tìp bal, bơsram bal mờ jòi geh bơta niam kờ` mu\t lơh sa tàm càr Kon Tum dê.

Cau cih mờ yal tơng^t Ndong Brawl