VOV4.K’ho – Di tơngkah ngai crơng gơs Mpồl ling klàng làng bol Việt Nam mờ Ngai chờ jơh gùt làng bol sền gàr dà lơgar, kuang bàng đơng lam càr Kontum neh lòt còp, chờ gờm mpồl kuang bàng, cau ling Sư đoàn 10 (Quân đoàn III), Gah đơng lam ling klàng càr mờ Gah đơng lam mpồl ling sền gàr tiah nhàr lơgar càr Kontum. Tàm ală tiah lòt còp, ồng A Pớt- Pho\ Bí thư càr mơkung là Kuang atbồ Mpồl kuang bàng Quốc hội càr Kontum jờng rơ ală broă lơh ngan bơh kuang bàng mờ cau ling tàm mpồl ling dê. Kuang bàng đơng lam càr Kontum pơn jờng ală mpồl ling pơn jat tai tơnguh jơnhoa bơta niam lơh broă, rơcang lài pơgồp bal mờ ală mpồl, gah, sơnah lơh broă mờ mpồl cau bơh càr dê dong kờl làng bol bơtàu tơnguh rài kis, gàr kơ\ bơta lơngăp lơngai chính trị, rơndăp tăp sèng ờdo ờdă gùt mpồl bơtiàn; sền gròi rài kis nùs nhơm, phan bơna ai kuang bàng, cau ling in. Pho\ Bí thư càr Kontum nting săp kơ\p kờn jơh ală kuang bàng, cau ling să jan pràn kơldang, chờ hờp, pơn jat tai bơta pràn tàm pơrlòng, bơsram tàp, lơh gơs jak ngan kơnòl broă geh jàu, dipal mờ bơhiàn niam bơne\ bơh “Cau ling Wa Hồ” dê.

Cau cih mờ yal tơngi\t- Lơ Mu K’ Yến